निर्वाचन निष्पक्ष हुनुपर्छ, त्यसका लागि सरकारले वातावरण बनाउनुपर्छ : एकीकृत समाजवादी

१४ कात्तिक, काठमाडौं । नेकपा एकीकृत समाजवादीले २१ फागुनमा हुने प्रतिनिधिसभाको चुनाव भय रहित वातावरणमा सम्पन्न गर्न सरकारले वातावरण बनाउनुपर्ने माग गरेको छ ।

शुक्रबार सम्पन्न पार्टीको केन्द्रीय कमिटीको बैठकले यस्तो माग गरेको हो ।

बैठकपछि आयोजित पत्रकार सम्मेलनमा उपाध्यक्ष प्रकाश ज्वालाले भने, ‘जेएनजी विद्रोहपछि जसरी राष्ट्र नयाँ ढंगले अगाडि बढेको छ । अन्तरिम सरकार गठन भएको छ । निर्वाचनको मिति तोकी सकिएको छ । २१ फागुनमा प्रतिनिधिसभाको निर्वाचन निर्धारिण गरिएको छ । तोकिएको समयमा चुनाव अनिवार्य हुनुपर्छ । त्यो निर्वाचन निष्पक्ष, स्वतन्त्र, धाँधलीरहित रूपमा सम्पन्न हुनुपर्छ । त्यसको वातावरण सरकारले बनाउनुपर्छ ।’

एकीकृत समाजवादी पार्टी २१ फागुनमा हुने निर्वाचनमा भाग लिने र यो निर्वाचन सफल बनाउन पार्टीले प्रतिबद्धता व्यक्त गरेको उनले बताए ।

यो पनि पढ्नुहोस