कृषि विकास बैंकको नाफा करिब ९७ प्रतिशत घट्यो

News Summary

Generated by OK AI. Editorially reviewed.

कृषि विकास बैंकको चालु आर्थिक वर्षको पहिलो त्रैमासिक खुद नाफा ५७ लाख रुपैयाँ पुगेको छ, जुन गत वर्षको १९ करोड ९ लाख रुपैयाँभन्दा ९६.९९ प्रतिशत कम हो।
बैंकको खुद ब्याज आम्दानी १ अर्ब ५४ करोडबाट बढेर २ अर्ब ४२ करोड रुपैयाँ पुगेको छ, तर लोन लस प्रोभिजन ९० करोडबाट १ अर्ब ४६ करोड रुपैयाँ पुगेको छ।
बैंकको वार्षिक प्रतिसेयर आम्दानी ०.१७ रुपैयाँ र प्रतिसेयर नेटवर्थ २३९.५२ रुपैयाँ रहेको छ, बजार मूल्य प्रतिकित्ता ३१८ रुपैयाँ छ।

२१ कात्तिक, काठमाडौं । कृषि विकास बैंकको नाफामा ९६.९९ प्रतिशतको गिरावट आएको छ ।

बैंकले सार्वजनिक गरेको चालु आर्थिक वर्षको पहिलो त्रैमासिक वित्तीय विवरणअनुसार खुद नाफा ५७ लाख रुपैयाँ छ । गत आर्थिक वर्षको यसै अवधिमा खुद नाफा १९ करोड ९ लाख रुपैयाँ थियो ।

बैंकको वितरणयोग्य नाफा २ अर्ब ४८ करोड रुपैयाँ छ । गत आर्थिक वर्षको नाफाबाट सेयरधनीलाई लाभांश घोषणा गरे पनि प्रदान गर्न बाँकी छ । जसले गर्दा वितरणयोग्य नाफा उच्च देखिएको हो ।

बैंकको खुद ब्याज आम्दानी बढेको छ । यस्तो आम्दानी पहिले १ अर्ब ५४ करोड रुपैयाँ रहेकोमा अहिले २ अर्ब ४२ करोड रुपैयाँ छ ।

लोन लस प्रोभिजन (इम्पेरिमेन्ट चार्ज) उच्च दरले बढेको छ । जसले नाफामा सिधा असर परेको छ । यस्तो रकम पहिले ९० करोड रुपैयाँ रहेकोमा अहिले १ अर्ब ४६ करोड रुपैयाँ छुट्याइएको छ ।

बैंकको वार्षिक प्रतिसेयर आम्दानी ०.१७ रुपैयाँ छ । प्रतिसेयर नेटवर्थ २३९.५२ रुपैयाँ छ । निष्क्रिय कर्जा उत्ति नै छ । कुल कर्जामा यस्तो कर्जा पहिले ४.७८ प्रतिशत रहेकोमा अहिले पनि त्यति नै छ । बजार मूल्य प्रतिकित्ता ३१८ रुपैयाँ छ । बैंकको आधार दर एक वर्षको अवधिमा ७.०७ बाट घटेर ५.४२ प्रतिशतमा झरेको छ ।