प्रोटोन इमासको शोरूम नारायणगढमा खुल्यो

News Summary

Generated by OK AI. Editorially reviewed.

जगदम्बा मोटर्सले चितवनको नारायणगढमा प्रोटोन इमास ब्रान्डको इलेक्ट्रिक सवारी साधनको शोरुम सञ्चालनमा ल्याएको छ।
शोरुमबाट थ्री एस सेवा (सेल्स, सर्भिस र स्पेयर पार्ट्स) प्रदान गरिने कम्पनीले जनाएको छ।
नारायणगढ शोरुमले आधुनिक ईभी प्रविधि र विश्वसनीय सेवा ग्राहक नजिक पुर्‍याउने जगदम्बा मोटर्सका वरिष्ठ उपाध्यक्ष राजु भेटवालले बताए।

२१ कात्तिक, चितवन । जगदम्बा मोटर्स प्रा.लि.अन्तर्गतको प्रिमियम इलेक्ट्रिक सवारी साधन ब्रान्ड प्रोटोन इमासले चितवनको नारायणगढमा शोरुम सञ्चालनमा ल्याएको छ ।

यस शोरुमबाट थ्री एस सेवा (सेल्स, सर्भिस र स्पेयर पार्ट्स) प्रदान हुने जगदम्बा मोटर्सले जनाएको छ । देशव्यापी विस्तार यात्रालाई निरन्तरता दिँदै चितवनमा शोरुम सञ्चालनमा ल्याइएको कम्पनीको भनाइ छ ।

उद्घाटन समारोहमा प्रमुख अतिथि चितवन उद्योग वाणिज्य संघका अध्यक्ष सुमन कुमार श्रेष्ठ, विशेष अतिथि सीएनआई चितवनका अध्यक्ष मदन घिमिरे र उद्योगपति तथा समाजसेवी बल गोपाल चुके सहभागी थिए । साथै प्रोटोन इमासका प्रतिनिधि र सञ्चारकर्मीहरूको उपस्थिति रहेको थियो ।

जगदम्बा मोटर्सका वरिष्ठ उपाध्यक्ष राजु भेटवालले नारायणघाट शोरूमले आधुनिक ईभी प्रविधि र विश्वसनीय सेवालाई ग्राहक नजिक पुर्‍याउने बताए ।

नारायणगढ शाखा थपिएसँगै प्रोटोन इमासले नवप्रवर्तन, विश्वसनीयता र दिगो यातायात सञ्जाललाई अझ सुदृढ बनाएको छ ।