हल भिजिटमा अशोक दर्जी, ‘मनबिनको धन’ लाई सकारात्मक प्रतिक्रिया

News Summary

Generated by OK AI. Editorially reviewed.

बालगायक अशोक दर्जी अभिनित फिल्म ‘मनबिनको धन’ ले प्रदर्शनको पाँचौ दिनमा पनि दर्शकको भीड बढेको छ।
निर्देशक टंक बुढाथोकीले अनलाइनखबरलाई फिल्मले दर्शकको मन जितेको बताउनुभयो।
नेपालगञ्ज, इटहरी, विराटनगर लगायत विभिन्न शहरमा फिल्मले बलियो अकुपेन्सी पाएको छ।

काठमाडौं । बालगायक अशोक दर्जी अभिनित फिल्म ‘मनबिनको धन’ ले दर्शकबाट सकारात्मक प्रतिक्रिया प्राप्त गरेको छ ।

हल भिजिटमा पुगेका कलाकार दर्जी, निर्देशक टंक बुढाथोकीसहितको टिमलाई दर्शकले मीठो प्रतिक्रिया दिएका छन् ।

‘फिल्म प्रदर्शन भएको पाँचौ दिनमा पनि दर्शकको भीड बढेको छ’ बुढाथोकीले अनलाइनखबरलाई भने । हल भिजिटमा पुगेका कलाकार दर्जीको वास्तविक जीवनको कथावस्तुमा आधारित फिल्मले दर्शकको मन जितेको देखिन्छ ।

दर्शकले दर्जीलाई अँगालो हालेर रोएका भिडियो पनि सामाजिक सञ्जालमा भाइरल छन् । फिल्म हेर्न स्कुले विद्यार्थीदेखि उनीहरूका बुबाआमा पनि हलबाट रुँदै निस्केको देख्न सकिन्छ ।

फिल्मले दर्जीसँगै नीता ढुंगाना र रमेश विश्वकर्माको अभिनयको पनि प्रशंसा गरेका छन् ।

मंगलबार नेपालगञ्जको सिने रोयल हलमा ७ शो र क्यूएफएक्सको बागेश्वरीमा २ शो पाएको फिल्मको बलियो अकुपेन्सी देखिन्छ ।

राजधानीसँगै पूर्वको इटहरी, विर्तामोड, दमक, विराटनगर, चितवन, पोखरा र दाङमा पनि दर्शकको उल्लेख्य भीड देखिन्छ । पहिलो दिनमा ९५ शो पाएको फिल्मले अहिले सवा सयको हाराहारीमा सो पाएको छ ।