महेश त्रिपाठी, बेनिशा हमाल स्टारर ‘द ब्लू लाइट’ को प्रदर्शन मिति तय

News Summary

Generated by OK AI. Editorially reviewed.

महेश त्रिपाठी, अर्पण थापा, बेनिशा हमाल स्टारर फिल्म 'द ब्लू लाइट' पुस १० गतेबाट प्रदर्शनमा आउँदै छ।
फिल्मको पोस्टरमा सबै पात्र निराश देखिएका छन् र महेश त्रिपाठीको हातमा बञ्चरो छ।
'द ब्लू लाइट' मनोवैज्ञानिक-थ्रीलर जनरामा निर्माण भएको छ र स्काइफल पिक्चर्सले प्रस्तुत गरेको छ।

काठमाडौं । महेश त्रिपाठी, अर्पण थापा, बेनिशा हमाल स्टारर फिल्म ‘द ब्लू लाइट’ को प्रदर्शन मिति तय भएको छ ।

निर्माताले पोस्टर सार्वजनिक गर्दै १० पुसदेखि फिल्म रिलिज हुने जनाएका छन् ।

फिल्मको सेटिङ र मुड दर्शाउने फिल्मको पोस्टरमा महेश त्रिपाठी, अर्पण थापा, बेनिशा हमाल, सृष्टि श्रेष्ठ र आयुशमान देशराज जोशी अटाएका छन् ।

सबै पात्र निराश देखिन्छन् । फरक यत्ति हो- महेशको हातमा बञ्चरो छ । अरुको हात रित्तो छ । पात्रहरू तनावमा देखिए पनि त्यसको कारण के हो, त्यसबारे भने पोस्टरमा दर्शाइएको छैन ।

बलिराम चौहानको निर्देशन रहेको ‘द ब्ल्यू लाइट’ पुस १० गतेबाट रिलिजमा आउँदै छ ।

फिल्मको शीर्ष भूमिकामा अर्पण थापा, महेश त्रिपाठी, आयुष्मान जोशी, बेनिशा हमाल, सृष्टि श्रेष्ठ र सुरक्षा इटानी छन् । बालकलाकारमा गृष्मा कटुवाल र सहारा शर्मा छन् ।

मनोवैज्ञानिक-थ्रीलर जनरामा निर्माण भइरहेको फिल्मलाई स्काइफल पिक्चर्सले प्रस्तुत गरेको हो । सहायक निर्मातामा रमन ग्रे छन् । छायांकन नरेन्द्र मैनालीले गरेका हुन् ।