बबरमहलमा जम्मा भए एमाले युवा (तस्वीरहरू)

News Summary

Generated by OK AI. Editorially reviewed.

नेकपा एमाले समर्थित युवाहरूले नागरिक उड्डयन प्राधिकरण कार्यालय अगाडि नेसनल भोलेन्टियर फोर्स घोषणा गर्ने तयारीमा जम्मा भएका छन्।
एमालेले माइतीघर मण्डलाबाट नयाँ बानेश्वरसम्म मार्चपास गरी बबरमहलमा भोलेन्टियर फोर्स घोषणा गर्ने योजना बनाएको छ।
जेन–जी आन्दोलनका घाइतेहरूले न्याय र छानबिन आयोगको माग गर्दै माइतीघरमा धर्ना बसेका छन् र सुरक्षाकर्मी परिचालन गरिएको छ।

५ मंसिर, काठमाडौं । नेसनल भोलेन्टियर फोर्स (एनभीएफ) घोषणा गर्ने तयारीमा रहेको नेकपा एमाले समर्थित युवाहरू नागरिक उड्डयन प्राधिकरणको कार्यालय अगाडि जम्मा भएका छन् ।

एमालेका थुप्रै युवा पैदल छन् भने मोटरसाइकलमा समेत सवार देखिएका छन् ।

एमालेले शुक्रबार माइतीघर मण्डलामा जम्मा भएर नयाँ बानेश्वरसम्म मार्चपास गर्दै बबरमहलको कार्की ब्याङ्क्वलेटमा भोलेन्टियर फोर्स घोषणा गर्न लागेको हो । माइतीघरमा त्यसअघि नै जेन–जी आन्दोलनका घाइतेहरू सकडकमा धर्ना दिएर बसेका छन् ।

जेन–जी आन्दोलनकै कारण सरकारबाट अपदस्त भएको नेकपा एमाले र जेन–जी युवा पछिल्लो समय एकअर्कासँग आक्रामक अभिव्यक्तिहरू दिँदै आएका छन् ।

यो पनि पढ्नुहोस

एमाले युवा जम्मा हुनुअघि माइतीघरमा बसे जेन–जी घाइते (तस्वीरहरू)

स्थिति तनावपूर्ण हुन नदिन त्यस क्षेत्रमा ठूलो संख्यामा सुरक्षाकर्मी परिचालित गरिएको छ ।

धर्नामा बसेका जेन–जी घाइतेहरूले आफूहरूको न्यायका लडाइ जारी रहेको जनाएका छन् । उनीहरूले नेपाल आमालाई न्याय खै, छानबिन आयोग कहाँ गयो, भ्रष्टाचारीलाई कारबाही खै, जेन–जीको माग पूरा भएको खै भन्ने प्रश्नसहितका प्लाइकार्ड प्रदर्शन गरेका छन् ।