सलोन बस्नेतले लन्डनमा थाले एक्सन फिल्म ‘विक्रम’ को छायांकन

News Summary

Generated by OK AI. Editorially reviewed.

अभिनेता सलोन बस्नेतले आगामी फिल्म 'विक्रम' को छायांकन काठमाडौंबाट सुरु गरेका छन्।
फिल्म 'विक्रम' मा सलोनलाई पहिलो एक्सन अवतारमा प्रस्तुत गरिनेछ र छायांकन ९० प्रतिशत बेलायतमा हुनेछ।
फिल्मलाई विक्रम जोशीले निर्देशन र लगानी गर्नेछन् भने विदेशी कलाकार नादेसी हप्कीन्सले पनि अभिनय गर्नेछन्।

काठमाडौं । अभिनेता सलोन बस्नेतले आगामी फिल्म ‘विक्रम’ को छायांकन यहाँबाट थालेका छन् । सम्भवतः यो फिल्म बस्नेतको पहिलो एक्सन फिल्म हुनेछ ।

रोमान्टिक र फेमिली ड्रामा जनराका फिल्ममा देखिँदै आएका सलोनलाई ‘विक्रम’ ले भिन्न अवतारमा प्रस्तुत गर्ने बुझिएको छ । छायांकन सेटबाट प्राप्त तस्वीरमा पनि उनको हेयर स्टाइल फरक छ ।

यो फिल्मलाई विक्रम जोशीले निर्देशन र लगानी गर्दैछन् ।

महारानी प्रोडक्सन यूके, फिल्म फ्याक्ट्री यूके र संस्कृति क्रिएसन्स नेपालको संयुक्त ब्यानरमा फिल्मको निर्माण हुन लागेको प्रेषित वक्तव्यमा उल्लेख छ । निर्मात्री हीरल जोशी रहने उल्लेख छ ।

यो फिल्ममा केही विदेशी कलाकार नादेसी हप्कीन्सले पनि अभिनय गर्ने उल्लेख छ । सागर प्याकुरेलको पटकथा रहेको फिल्ममा सौरभ लामा र इश्वर सिन्केमानाको छायांकन हुनेछ ।

९० प्रतिशत छायांकन बेलायत र बाँकी १० प्रतिशत नेपालमा हुने उल्लेख छ ।