स्वास्थ्य मन्त्री गौतमसँग भारतीय राजदूतले गरे भेट

News Summary

Generated by OK AI. Editorially reviewed.

स्वास्थ्य तथा जनसङ्ख्यामन्त्री डा. सुधा गौतमसँग भारतका राजदूत नवीन श्रीवास्तवले १२ मंसिर काठमाडौँमा शिष्टाचार भेटघाट गरेका छन्।
भेटमा दुई देशबीचको ऐतिहासिक मित्रता र स्वास्थ्य क्षेत्रमा द्विपक्षीय साझेदारीलाई दिगो बनाउने विषयमा छलफल भएको मन्त्रालयका प्रवक्ता डा. प्रकाश बुढाथोकीले बताए।
मन्त्री गौतमले मातृ तथा शिशु स्वास्थ्य, मानसिक स्वास्थ्य, स्वास्थ्य बीमा, औषधि प्रयोगशालाको क्षमता अभिवृद्धि र प्रवासी श्रमिकको स्वास्थ्य सुधार प्राथमिकता रहेको बताइन्।

१२ मंसिर, काठमाडौँ । स्वास्थ्य तथा जनसङ्ख्यामन्त्री डा. सुधा गौतमसँग नेपालका लागि भारतका राजदूत नवीन श्रीवास्तवले आज शिष्टाचार भेटघाट भएको छ ।

मन्त्रालयमा भएको भेटका क्रममा दुई देशबीचको ऐतिहासिक र अतुलनीय मित्रता रहेको उल्लेख गर्दै स्वास्थ्य क्षेत्रमा विद्यमान द्विपक्षीय साझेदारीलाई अझ दिगो र प्रभावकारी बनाउने सम्बन्धमा छलफल भएको मन्त्रालयका प्रवक्ता डा प्रकाश बुढाथोकीले जानकारी दिए ।

भेटमा मन्त्री गौतमले नेपाल–भारतबीचको सम्बन्ध गहिरो रहेको र स्वास्थ्य क्षेत्रमा भारतले गरेको निरन्तर सहयोगप्रति धन्यवाद व्यक्त गरिन् ।

साथै उनले मातृ तथा शिशु स्वास्थ्य, मानसिक स्वास्थ्य, स्वास्थ्य बीमा, राष्ट्रिय औषधि प्रयोगशालाको परीक्षण क्षमता अभिवृद्धि र प्रवासमा रहेका नेपाली श्रमिकको स्वास्थ्य सुधार मन्त्रालयको प्रमुख प्राथमिकतामा रहेको बताइन्।

राजदूत श्रीवास्तवले भारत–नेपाल सम्बन्धको महत्व दोहोर्याउँदै राष्ट्रिय औषधि प्रयोगशालाको स्तरोन्नतिका लागि भवन निर्माण, आवश्यक उपकरण र जनशक्तिको तालिममा सहयोग गर्ने प्रतिबद्धता व्यक्त गरे।