जेनजी लभस्टोरी फिल्म ‘कुमारी’ को प्रदर्शन मिति तय, यस्तो छ केहरसिंहको पार्श्वगायन

News Summary

Generated by OK AI. Editorially reviewed.

दिनेश राउतको निर्देशनमा बनेको फिल्म 'कुमारी' २३ माघदेखि देशव्यापी प्रदर्शनमा आउनेछ।
निर्माताले पहिलो गीत 'कता छौ मेरो फूल' सोमबार सार्वजनिक गरेका छन्।
फिल्म रोमान्टिक ड्रामा हो र 'भ्यालेन्टाइन्स डे' को छेकोमा प्रदर्शन हुने बताइएको छ।

काठमाडौं । दिनेश राउतको आगामी निर्देशकीय फिल्म ‘कुमारी’ को प्रदर्शन मिति तय भएको छ । निर्माताले सोमबार पहिलो गीत ‘कता छौ मेरो फूल’ सार्वजनिक गर्दै यसबारे जनाएका हुन् ।

जसअनुसार, यो फिल्म रोमान्टिक ड्रामा २३ माघदेखि देशब्यापी प्रदर्शनमा आउनेछ । ‘भ्यालेन्टाइन्स डे’ को छेकोमा फिल्म प्रदर्शनमा आउन लागेको हो ।

केहरसिंह लिम्बुको शब्द तथा आवाज रहेको गीतमा सुमन तामाङ, युवराज काफ्ले, सागर मगरका शब्द समावेश छन् । गीतको भिडियोमा अभिषेक खड्का र आकृति राजभण्डारी छन् ।

‘आइ एम सरी’बाट निर्देशन यात्रा सुरु गरेका राउत ‘नोभेम्बर रेन’ र ‘क्लासिक’ जस्ता सफल प्रेमकथाका लागि चिनिन्छन् । पछिल्ला वर्षमा सामाजिक विषयमा केन्द्रित फिल्म निर्देशन गर्दै आएका राउतले दर्शकको रुचिअनुसार फेरि प्रेमकथामा फर्किएको बताएका छन् ।

बिनिश इन्टरटेन्मेन्ट र पिक्चर्स फ्रेमको सहकार्यमा निर्माण भएको फिल्मको लगानीकर्तामा महेन्द्र अधिकारी छन् । पटकथा विकास सुवेदीले लेखेका हुन् । छायाङ्कन निर्देशन सुसन प्रजापतिले गरेका हुन् । कार्यकारी निर्माता केदार भुसाल हुन् ।