चिकित्सक संघको निर्वाचनमा डा.अरुण शाहीको उम्मेदवारी घोषणा

News Summary

Generated by OK AI. Editorially reviewed.

पाटन स्वास्थ्य विज्ञान प्रतिष्ठानका डा. अरुण शाहीले नेपाल चिकित्सक संघको बागमती प्रदेश संयोजक तथा उपाध्यक्ष पदमा उम्मेदवारी घोषणा गरेका छन्।

२१ मंसिर, काठमाडौं । पाटन स्वास्थ्य विज्ञान प्रतिष्ठानका मेडिकल अन्कोलोजिस्ट डा. अरुण शाहीले नेपाल चिकित्सक संघको निर्वाचनमा उम्मेदवारी घोषणा गरेका छन् । चिकित्सक संघको निर्वाचन आगामी माघ २ र ३ गते काठमाडौं बाहिर र काठमाडौं उपत्यकामा १५, १६ र १७ गते हुँदैछ ।

उक्त निर्वाचनमा शाहीले बागमती प्रदेश संयोजक तथा उपाध्यक्ष पदमा उम्मेदवारी घोषणा गरेका हुन् । उम्मेदवारी घोषणा गर्दै उनले ‘स्वास्थ्य सेवा र चिकित्सकहरूको हक–अधिकारका लागि कानूनी तथा संरचनागत सुधारका लागि प्रत्यक्ष भूमिका निर्वाह गर्न उम्मेदवारी दिएको बताएका छन् । डा.शाहीले

डा. शाहीले चिकित्सकको पेसागत नैतिकतालाई निर्वाचनमा पनि कायम राख्ने प्रतिबद्धता जनाएका छन् ।

‘उपचारमा जसरी हामी जात, धर्म, समुदाय, राष्ट्रियता वा राजनीतिक आस्थालाई हेर्दैनौं’ डा.शाही भन्छन्, ‘पेसागत संगठनमा पनि त्यही नैतिकतालाई केन्द्रमा राखौं ।’

संघको गरिमा र साख बढाउने राम्रा काममा आफू जो कोहीसँग पनि सहकार्य गर्ने तयार रहेको बताएका छन् । सबै अग्रज, सहकर्मी र सदस्यहरूसँग असीम साथ, सहयोग र सक्रिय सहभागिताको अपेक्षा उनले गरेका छन् ।