गायिका सत्यकला राई रास्वपामा, ‍समानुपातिक सूचीमा नाम

News Summary

Generated by OK AI. Editorially reviewed.

गायिका सत्यकला राई राष्ट्रिय स्वतन्त्र पार्टीको सामानुपातिक तर्फको उम्मेदवारको प्रारम्भिक सूचीमा परेकी छन्।
राईले अमेरिकामा रहेकी बेला रास्वपामा उम्मेदवारको सूचीमा परेको जानकारी दिइन् र जनवरी २ मा नेपाल फर्किएर थप छलफल गर्ने बताइन्।
रास्वपाले पुस ५ गते प्रारम्भिक सूचीका उम्मेदवारहरूसँग छलफल गर्नेछ, तर राई छलफलमा सहभागी नहुने जानकारी दिइएको छ।

४ पुस, विराटनगर । ‘तिमीलाई हङकङ पुर्‍यायो आइडी काडैले’लगायत दर्जन बढी चर्चित गीत गाएकी गायिका सत्यकला राई राष्ट्रिय स्वतन्त्र पार्टी (रास्वपा)को सामानुपातिक तर्फको उम्मेदवारको प्रारम्भिक सूचीमा परेकी छन् ।

खोटाङबाट उनको नाम आदिवासी जनजाति सूचीमा सिफारिस भएको छ । उनी चलचित्र निर्माता नवल खड्काकी श्रीमती हुन् ।

सांगीतिक कार्यक्रम र भेटघाटका लागि अमेरिकामा रहेकी राईले रास्वपामा सामानुपातिक उम्मेदवारकाे प्रारम्भिक सूचीमा परेकाे जानकारी दिइन् ।

निर्वाचित भएर काम गर्ने इच्छा रहेकाे पनि बताइन् । ‘साथी भाइहरूले पार्टीमा जोडिएर काम गर्नुपर्छ भन्नुभएको छ,’ अनलाइनखबरसँगको सम्पर्कमा उनले भनिन्, ‘म अहिले बाहिर छु, जनवरी २ मा फर्किएपछि थप छलफल गर्छाैं।’

रास्वपाले प्रारम्भिक सूचीमा रहेका उम्मेदवारहरूसँग पुस ५ गते छलफल गर्नेछ । अमेरिकामा रहेकी राईले भर्चुअल माध्यमबाट छलफलमा सहभागी हुने बताएकी छन् ।

नेपाल फर्किएपछि थप छलफल गर्ने उनले बताइन् । रास्वपाले सार्वजनिक गरेको उम्मेदवारको सर्टलिष्टमा खोटाङबाट राईको मात्रै नाम छ ।