‘कमेडी दरबार’ ले फेब्रुअरीमा ८ अस्ट्रेलियाली सहरमा टूर गर्ने

News Summary

Generated by OK AI. Editorially reviewed.

टिभी शो ‘कमेडी दरबार’ फेब्रुअरीमा अस्ट्रेलियाको आठ सहरमा एक महिना लामो टूर गर्ने भएको छ।
फिल्म निर्देशक शोभित बस्नेत र शो निर्माता विक्की अग्रवालबीच कमेडी टूर आयोजना गर्न सम्झौता भएको छ।
टूरमा शोका अधिकांश कलाकार सहभागी हुनेछन् र मध्य फेब्रुअरीदेखि सिड्नी, मेलबर्न, ब्रिसबेन लगायत सहरमा कार्यक्रम हुनेछ।

काठमाडौं । टिभी शो ‘कमेडी दरबार’ ले फेब्रुअरीमा एक महिना लामो अस्ट्रेलिया टूर गर्ने भएको छ । यो कमेडी टूर आयोजनाका लागि फिल्म निर्देशक समेत रहेका शोभित बस्नेत र शो निर्माता विक्की अग्रवालबीच सम्झौता भएको छ ।

सम्झौतापछि बस्नेतले भने, ‘अष्ट्रेलियामा रहेका नेपालीलाई मनोरञ्जन गराउने उद्देश्यले टूर गर्न लागिएको हो । यसको तयारी सुरु गरिसकेका छौं ।’

टूरमा शोका अधिकांश कलाकार सहभागी हुने जनाइएको छ । सम्झौता बेलाको तस्वीरमा शोमा जजको भूमिकामा देखिएकी गौरी मल्ल पनि छिन् ।

मध्य फेब्रुअरीदेखि सुरु हुने टूर सिड्नी, मेलबर्न, ब्रिसबेन, पर्थ, एडिलेड, डार्बिन, न्यू क्यासल लगायतका ८ सहरमा आयोजना हुने जनाइएको छ ।

यसअघि १० अमेरिकी राज्यमा ‘कमेडी दरबार इन अमेरिका’ कार्यक्रम आयोजना हुने घोषणा पत्रकार सम्मेलनमार्फत गरिएको थियो ।

२०२५ को सेप्टेम्बर र अक्टोबरमा अमेरिकामा हुने भनिएको टूर अहिलेसम्म हुन सकेको छैन । यसबारे कमेडी दरबारले थप खुलाएको छैन ।

अमेरिका टूर नहुँदै, शोले अस्ट्रेलिया टूरको घोषणा गरेको हो ।