सुदन गुरुङ जाँचबुझ आयोगमा, बालेनलाई पनि प्रश्नावलीसहित पत्र

News Summary

Generated by OK AI. Editorially reviewed.

जेनजी आन्दोलनमा भएको दमनबारे जाँच गर्न गठित आयोगले संयोजक सुदन गुरुङसँग सोधपुछ सुरु गरेको छ।
आन्दोलन सफल भएपछि गुरुङले प्रधानमन्त्री र विभिन्न निकायमा माग राख्दै दबाबमूलक कार्यक्रम गर्दै आएका छन्।
आयोगले कांग्रेस सभापति देउवा, माओवादी नेता प्रचण्ड र काठमाडौं मेयर बोलन शाहलाई पनि प्रश्नावली पठाएको छ।

२० पुस, काठमाडौं । जेनजी आन्दोलनमा भएको दमनवारे जाँचबुझ गर्न गठन भएको आयोगले हामी नेपालीका संयोजक सुदन गुरुङसँग सोधपुछ थालेको छ । गुरुङसँगको सोधपुछ नसकिएकाले सोमबार पनि जारी रहने आयोगका एक कर्मचारीले बताए ।

उनी आन्दोलनमा स्वयंसेवकको रूपमा पुगेका थिए । जेनजी आन्दोलन सफल भएपछि उनले प्रधानमन्त्रीदेखि विभिन्न निकायहरूमा पुगेर विभिन्न माग राखी दबाबमूलक कार्यक्रम गर्दै आएका छन् ।

जेनजी आन्दोलनमा भएको घटनाक्रम र त्यसक्रममा देखेका कुराहरू बताउन आग्रह गरी गुरुङलाई बोलाइएको आयोगका एक सदस्यले बताए ।

यसैबीच, कांग्रेस सभापति शेरबहादुर देउवा र माओवादी नेता प्रचण्डलाई आफ्नो भनाइ राख्न पत्र पठाएको आयोगले काठमाडौं महानगरपालिकाका मेयर बोलन शाहलाई पनि प्रश्नावली सहितको पत्र पठाएको छ ।

‘उहाँ सम्भवत: आफ्नो जवाफ सहित आयोगमा आएर जवाफ पेश गरेर जानुहुन्छ होला,’ आयोगसम्वद्ध स्रोतले भन्यो, ‘प्रमुख दुई दलका नेताहरूलाई झै उहाँलाई पनि आन्दोलनसँग सम्बन्धित प्रश्न पठाइएको हो ।