भक्तपुरमा कन्चटमा गोली हानेर आत्महत्या घटना : बरामद बन्दुक लाइसेन्स प्राप्त

News Summary

Generated by OK AI. Editorially reviewed.

भक्तपुरको थिमीमा सनिप चाम्लिङ राईले आफ्नै कन्चटमा गोली हानी आत्महत्या गरेका छन्।
आत्महत्या घटनामा प्रयोग भएको जिएस–५ जर्मन बन्दुक सूर्यकुमार नेम्वाङको नाममा लाइसेन्स प्राप्त रहेको छ।
राई मानसिक समस्यामा रहेको र मृतक राई र हतियारधारी सूर्यकुमार नाताले साला–भिनाजु रहेको प्रहरीले बताएको छ।

२१ पुस, काठमाडौं । भक्तपुरको थिमीमा एक व्यक्तिले आफ्नै कन्चटमा गोली हानेर आत्महत्या गरेको घटनामा प्रयोग भएको बन्दुक लाइसेन्स प्राप्त रहेको खुलेको छ ।

घटनामा प्रयोग भएको हतियार सूर्यकुमार नेम्वाङको नाममा लाइसेन्स प्राप्त रहेको पाइएको जिल्ला प्रहरी परिसर भक्तपुरका डीएसपी प्रकाश जबेगुले बताए ।

नेम्वाङको नाममा रहेको आधुनिक हतियारले कन्चटमा गोली हानेर ४० वर्षीय सनिप चाम्लिङ राईले आत्महत्या गरेका थिए ।

आफैंलाई गोली हान्ने राई मानसिक समस्यामा रहेको उनका परिवारका सदस्यले बताएका छन् ।

मृतक राई र हतियारको लाइसेन्स लिएका सूर्य नाताले साला–भिनाजु रहेको पाइएको छ । भिनाजुको नाममा रहेको बन्दुकले राईले सोमबार दिउँसो साढे ३ बजे आत्महत्या गरेका हुन् ।

मध्यपुर थिमी नगरपालिका–६ राईटोल बस्दै आएका उनी अविवाहित रहेको प्रहरीले बताएको छ । दिउँसो साढे ३ बजेतिर साढे चार तले पक्की घरको चौंथो तलामा राईले कोठाको चुकुल लगाएर आफैंले कन्चटमा गोली हानेको प्रहरीले बताएको छ ।

बरामद बन्दुकमा जिएस–५ जर्मन लेखिएको छ ।

यो पनि पढ्नुहोस