धनुषाका तीन क्षेत्रबाट महासेठ दम्पतिसहित तीनजनाको नाम एकल सिफारिस

News Summary

Generated by OK AI. Editorially reviewed.

नेकपा एमालेले धनुषाका तीन प्रतिनिधिसभा निर्वाचन क्षेत्रबाट विगतकै उम्मेदवारहरूको एकल नाम सिफारिस गरेको छ।
क्षेत्र नम्बर २ बाट केन्द्रीय सदस्य उमासिंह अरगरिया, क्षेत्र नम्बर ३ बाट जुली महतो र क्षेत्र नम्बर ४ बाट रघुवीर महासेठको नाम सिफारिस गरिएको छ।
क्षेत्र नम्बर १ मा विवादका कारण उम्मेदवार सिफारिस हुन सकेको छैन र महासेठ र महतो श्रीमान्–श्रीमती हुन्।

२१ पुस, जनकपुरधाम । नेकपा एमालेले धनुषाका तीन प्रतिनिधिसभा निर्वाचन क्षेत्रबाट विगतकै उम्मेदवारहरूको एकल नाम सिफारिस गरेको छ ।

क्षेत्र नम्बर १ बाहेक तीनवटा क्षेत्रका उम्मेदवार एकल सिफारिस भएको एमालेका धनुषा जिल्ला अध्यक्ष भोला यादवले जानकारी दिए ।

उनका अनुसार क्षेत्रीय कमिटीहरूले क्षेत्र नम्बर २ बाट केन्द्रीय सदस्य उमाशंकर अरगरिया, क्षेत्र नम्बर ३ बाट केन्द्रीय सदस्य जुली महतो र क्षेत्र नम्बर ४ बाट उपमहासचिव रघुवीर महासेठको नाम एकल सिफारिस गरेको हो ।

क्षेत्र नम्बर १ मा विवादको कारण उम्मेदवार सिफारिस हुन सकेको छैन । सिफारिस भएका उम्मेदवारहरू २०७९ मा सोही क्षेत्रबाट चुनाव लडेका थिए ।

क्षेत्र नम्बर २ मा जसपा नेपाल छाडेर अरगरियाले एमालेबाट चुनाव लडेका थिए । यद्यपि, उनी नेपाली कांग्रेसका नेता रामकृष्ण यादवसँग पराजित भएका थिए ।

यस्तै धनुषा क्षेत्र नम्बर ३ बाटबाट महतो र क्षेत्र नम्बर ४ बाट महासेठ निर्वाचित भएका थिए । महासेठ र महतो श्रीमान्–श्रीमती हुन् ।