प्रशान्त तामाङको निधनमा ममता बनर्जी : उनी पश्चिम बंगालका प्रिय थिए

News Summary

Generated by OK AI. Editorially reviewed.

भारतको पश्चिम बंगालकी मुख्यमन्त्री ममता बनर्जीले गायक तथा अभिनेता प्रशान्त तामाङको असामयिक निधनमा दुःख व्यक्त गरेकी छन्।
बनर्जीले दार्जिलिङ पहाडमा प्रशान्तको जरा गाडिएको र कोलकाता प्रहरीसँगको सम्बन्धले उनलाई बंगालमा प्रिय बनाएको उल्लेख गरेकी छन्।
उनले प्रशान्तको परिवार, साथीभाइ र अनुयायीप्रति समवेदना व्यक्त गरेकी छन्।

काठमाडौं । गायक तथा अभिनेता प्रशान्त तामाङको निधनमा भारतको पश्चिम बंगालकी मुख्यमन्त्री ममता बनर्जीले दुःख व्यक्त गरेकी छन् ।

सामाजिक सञ्जाल एक्समार्फत उनले तामाङको असामयिक निधनमा आफू दुःखी भएको बताएकी छन् ।

दार्जिलिङ पहाडमा उनको जरा गाडिएको र कुनै समय कोलकाता प्रहरीसँगको विशेष सम्बन्धले प्रशान्तलाई बंगालमा प्रिय बनाएको समेत बनर्जीले उल्लेख गरेकी छन् ।

बनर्जी लेख्छिन्, ‘ इन्डियन आइडल’ फेम्ड लोकप्रिय गायक तथा राष्ट्रिय ख्यातिप्राप्त कलाकार प्रशान्त तामाङको आज अचानक र असामयिक निधनले म दुःखी छु । हाम्रो दार्जिलिङ पहाडमा उनको जरा गाडिएको र कोलकाता प्रहरीसँगको एक समयको सम्बन्धले उनलाई बंगालमा हाम्रो लागि विशेष प्रिय बनायो । म उनको परिवार, साथीभाइ र अनगिन्ती अनुयायीहरूप्रति समवेदना व्यक्त गर्दछु ।’