नेतृत्वको गलत रबैयाले जनतामा कांग्रेसप्रति भरोसा टुटेको छ : अमरसिंह पुन

News Summary

Generated by OK AI. Editorially reviewed.

नेपाली कांग्रेस लुम्बिनी प्रदेश सभापति अमरसिंह पुनले नेतृत्वको गलत रबैयाले जनतामा पार्टीप्रति भरोसा टुटेको बताए।
पुनले पार्टी सभापति शेरबहादुर देउवालाई आफ्ना वरिपरिका चम्चाहरूको कारण वर्तमान अवस्था आएको भन्दै सच्याउन आग्रह गरे।
उनले विशेष महाधिवेशनबाट पार्टीलाई नयाँ बनाउने र विधि विधानअनुसार चल्ने प्रतिबद्धता व्यक्त गरे।

२७ पुस, काठमाडौं । नेपाली कांग्रेसको लुम्बिनी प्रदेशका सभापति अमरसिंह पुनले नेतृत्वको गलत रबैयाका कारण जनतामा पार्टीप्रतिको भरोसा टुटेको बताएका छन् ।

नेपाली कांग्रेसको दोस्रो विशेष महाधिवेशनको उद्घाटन समारोहमा बोल्दै पुनले यहाँबाट विगतका कमजोरी सच्याएर अघि बढ्नुपर्ने बताए ।

‘विगतमा नेतृत्वले पार्टी र सरकार एकपक्षीय रूपमा चलायो । हिजो जेजस्ता गल्ती कमजोरी गरिए त्यसका कारण जनतामा पार्टीप्रति भरोसा टुटेको छ,’ पार्टी सभापति शेरबहादुर देउवालाई आग्रह गर्दै उनले भने, ‘आफ्ना वरिपरि रहेका केही चम्चाहरूको कारण अहिले यो अवस्था आएको छ । आफूलाई सच्याउनुस् । भोलि उद्घाटन सत्रमा सहभागी हुनुस् र पार्टीलाई एकढिक्का बनाउनुस् ।’

उनले विशेष महाधिवेशनबाट पार्टीलाई नयाँ बनाउने, विधि र विधानअनुसार चल्ने पार्टी निर्माण गरिने प्रतिबद्धता पनि उनले व्यक्त गरे ।