‘टनेल २६’ मा आना शर्माको प्रवेश, छायांकन गर्न पुगिन् भुटान

News Summary

Generated by OK AI. Editorially reviewed.

अभिनेत्री आना शर्माले २३ माघमा रिलिज हुने फिल्म 'रमिताको पिरती' को प्रचारप्रसारमा व्यस्त छिन्।
आना शर्मा नयाँ फिल्म 'टनेल २६' को छायांकनका लागि सोमबार भुटान पुगेकी छन्।
'टनेल २६' नेपाल र भुटानको सह-निर्माणमा बनिरहेको छ र भुटानका सेल्ट्रिमले आना शर्माको प्रवेशबारे जानकारी दिएका छन्।

काठमाडौं । अभिनेत्री आना शर्मालाई यतिबेला भ्याइनभ्याइ छ । आफू कार्यकारी निर्मात्री रहेको फिल्म ‘रमिताको पिरती’ को प्रचारप्रसारको चटारोमा उनी ब्यस्त छिन् ।

२३ माघमा फिल्म रिलिज गर्ने चटारोमाझ उनी नयाँ फिल्म ‘टनेल २६’ छायांकन गर्न सोमबार भुटान पुगेकी छन् । केही साता त्यहाँ हुने छायांकनमा उनी ब्यस्त हुनेछिन् ।

यो फिल्ममा नेपालबाट आनासहित अनुपविक्रम शाहीको समेत अभिनय छ । भुटानबाट साङ्गे सेल्ट्रिमको पनि अभिनय छ । भुटानका विभिन्न थलोमा केही सातायता यो फिल्मको छायांकन भैरहेको छ ।

अनुप पनि छायांकनको लागि भुटानमै छन् । नेपाल र भुटानको सह-निर्माणमा बनिरहेको ‘टनेल २६’ मा आनाको प्रवेशबारे भुटानी सेल्ट्रिमले जानकारी दिएका हुन् ।