करिब आधा सकिएको काठमाडौं–तराई फास्ट ट्र्याक यस्तो देखियो (तस्वीरहरू)

News Summary

Generated by OK AI. Editorially reviewed.

राष्ट्रिय गौरवको आयोजना काठमाडौं–तराई फास्ट ट्र्याक निर्माणको काम करिब ४५.१६ प्रतिशत सम्पन्न भएको छ।
नेपाली सेनाले साढे आठ वर्षमा निर्माण जिम्मेवारी पाएको र ३१ जेठ २०७८ बाट काम सुरु गरेको थियो।
फास्ट ट्र्याकमा १०.९७९ किलोमिटर सुरुङ मार्ग छ, जसमा लेन डाँडाको १.६२६ र धेद्रेको १.६९१ किलोमिटर सुरुङ ब्रेक थ्रु भइसकेको छ।

१६ माघ, काठमाडौं । राष्ट्रिय गौरवको आयोजना ‘काठमाडौं–तराई फास्ट ट्र्याक’ निर्माणको काम करिब आधा पूरा भएको छ ।

नेपाली सेनाले जिम्मेवारी पाएको आठ वर्ष र निर्माण कार्य प्रारम्भ भएको करिब साढे चार वर्षमा फास्ट ट्रयाकको भौतिक प्रगति ४५.१६ प्रतिशत पुगेको छ ।

नेपाल सरकारले २०७४ सालको वैशाखमा फास्ट ट्र्याक निर्माणको जिम्मा नेपाली सेनालाई दिएको थियो । त्यसपछि डीपीआर निर्माण, कन्सल्ट्यान्ट छनोट र ठेक्का प्रक्रिया पूरा गर्न सेनालाई ४ वर्ष लाग्यो । ३१ जेठ २०७८ बाट मात्र नेपाली सेनाले निर्माण काम प्रारम्भ गरेको थियो ।

सैनिक प्रवक्ता सहायक रथी राजाराम बस्नेतका अनुसार यो परियोजना समयसीमा भित्रै अर्थात २०८३ चैत भित्रै सम्पन्न गर्ने गरी काम भइरहेको छ ।

यो पनि पढ्नुहोस

फास्ट ट्र्याकको भौतिक प्रगति ४५ प्रतिशत, तोकिएकै समयमा सम्पन्न हुने सेनाको दाबी

उनले दिएको जानकारीअनुसार फास्ट ट्र्याकमा १०.९७९ किलोमिटर सुरुङ मार्ग पर्छ । जसमध्ये लेन डाँडाको १.६२६ र धेद्रेको १.६९१ सुरुङको ब्रेक थ्रु भइसकेको छ । महादेवटार सुरुङमार्गको पनि ७० प्रतिशत काम सम्पन्न भएको छ ।

फास्ट ट्र्याक अन्तर्गत बन्नुपर्ने ८९ पुलमध्ये १३ वटा निर्माण सम्पन्न भइसकेका छन् भने ८५ वटाको ठेक्का भएर काम सुरु भएको छ ।

करिब आधार निर्माण कार्य सकिएको बहुप्रतीक्षित परियोजना तस्वीरमा हेरौं ।