नेपाली ‘मोटोभ्लगर’ सुरक्षा केसी इन्स्टाग्रामको रिल्समा फिचर्ड, भन्छिन्- औधी खुसी छु

News Summary

Generated by OK AI. Editorially reviewed.

इन्स्टाग्रामले पहिलोपटक नेपाली मोटोभ्लगर सुरक्षा केसीलाई आफ्नो आधिकारिक रिल्समा प्रस्तुत गरेको छ।
सुरक्षाले इन्स्टाग्रामको आग्रहअनुसार रिल्स बनाएर अमेरिका पठाएकी थिइन्।
सुरक्षा म्याग्दीको धारापानी घर भएकी २३ वर्षिया कन्टेन्ट क्रिएटर हुन् र उनलाई इन्स्टाग्राममा ६ लाख २ हजारले पछ्याउँछन्।

काठमाडौं । चर्चित नेपाली ‘मोटोभ्लगर’ सुरक्षा केसीलाई इन्स्टाग्रामले आफ्नो आधिकारिक रिल्समा प्रस्तुत गरेको छ । युवापुस्तामाझ लोकप्रिय सामाजिक सञ्जालले सम्भवतः पहिलोपटक नेपाली ‘कन्टेन्ट क्रिएटर’ लाई आफ्नो अफिसियल रिल्समा प्रस्तुत गरेको हो ।

इन्स्टाग्रामले उनलाई फलो समेत गरेको छ । इन्स्टाग्रामले गतमहिना रिल्स बनाएर पठाउन सुरक्षालाई आग्रह गरेको थियो । उक्त आग्रहअनुसार नै, आफूले रिल्स बनाएर अमेरिका पठाएको सुुरक्षाले बताइन् ।

इन्स्टाग्रामले बिहीबार बिहान सुरक्षाको उक्त रिल्स पोस्ट गरेको छ । ‘इन द मोमेन्ट’ क्याप्सन लेख्दै इन्स्टाग्रामले भिडियो पोस्ट गरेको छ । ‘एकदमै खुसी लागेको छ । संसारको लोकप्रिय सोसल मिडियाको रिल्समा फिचर्ड हुनु पाएकी छु’ सुरक्षाले अनलाइनखबरसँग खुसी बाँडिन् ।

म्याग्दीको धारापानी घर भएकी सुरक्षा इन्स्टाग्रामले आफूलाई यति ठूलो मौका दिनुले नेपालको पर्यटन प्रवर्धन र ‘कन्टेन्ट क्रिएटर’ समाजलाई खुसीको कुरा भएको बताइन् । ‘तपाईंको धेरै हाइप छ । एउटा रिल्स बनाएर पठाउनुहोस्’ इन्स्टाग्रामको आग्रहलाई सम्झिँदै रिल्स पठाएको बारे सुरक्षाले भनिन् ।

२३ वर्षिया सुरक्षा नेपाली मोटोभ्लगरबीच चर्चित नाम हो । उनलाई इन्स्टाग्राममा पछ्याउनेको संख्या ६ लाख २ हजार छ । टिकटक र युट्युबमा उनलाई पछ्याउनेको संख्या पनि उच्च छ ।