८ फागुन, दाङ । रास्वपाले अपरिपक्वताको पराकाष्ठा देखाएको आरोप एमालेले लगाएको छ । दाङमा विहीबार राति एक समूहले झण्डा जलाइदिएपछि एमालेले सो आरोप लगाएको हो ।
विहीबार राति दाङको तुलसीपुर बजारमा एक समूहरुले एमाले अध्यक्ष केपी शर्मा ओलीविरुद्ध नाराबाजी गर्दै एमालेको चुनाव चिह्न सूर्य अंकित झण्डा जलाएको थियो । सो कार्यलाई एमालेले ‘आस्था र भावनामाथिको प्रहार’ भनेको छ ।
आज एमाले दाङ जिल्ला अध्यक्ष शिवकुमार आचार्यले विज्ञप्ति जारी गर्दै झण्डा जलाउने कार्यमा राष्ट्रिय स्वतन्त्र पार्टी (रास्वपा)को संलग्नता रहेको आरोप लगाएका छन् । उनले रास्वपालाई जिम्मेवार राजनीतिक शक्तिको रुपमा प्रस्तुत हुन आग्रह समेत गरेका छन् । उनले भनेका छन्, ‘उग्रता र उत्तेजनाको सहारामा क्षणिक चर्चाको खोजी गर्नु राजनीतिक अपरिपक्वताको पराकाष्ठा मात्र हो ।’
उनले अगाडि भनेका छन्, ‘लोकतान्त्रिक प्रतिस्पर्धा मर्यादित व्यवहार, तथ्यमा आधारित आलोचना र वैचारिक स्पष्टताबाट सुदृढ हुन्छ, अराजक प्रदर्शनबाट होइन । प्रियतावादले तत्काल केही राहत र सहानुभूति त प्राप्त गर्न सकिएला तर त्यसको अन्त्य अत्यन्त दर्दनाक एवं दु:खद हुनेछ ।’
रास्वपाले भने एमालेको झण्डा आफूहरुले नजलाएको जनाएको छ ।
हेर्नुहोस् एमालेको विज्ञप्ति–
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4