२०८२ फागुन १० गते ८:३० 
News Summary
Generated by OK AI. Editorially reviewed.- नेपाली राष्ट्रिय टोलीका लेगस्पीनर सन्दीप लामिछानेले इंग्ल्यान्डको 'द हन्ड्रेड' क्रिकेट अक्सनका लागि ३१ हजार पाउन्ड बेस मूल्यमा नाम दर्ता गराएका छन्।
- अक्सनमा १८ देशबाट करिब १००० खेलाडीले नाम दर्ता गराएका छन् र यो मार्च ११ र १२ मा हुँदैछ।
- सन्दीपले सन् २०२१ मा ओभल इन्भिन्सिबल्सको टोलीमा १ लाख पाउन्डमा अनुबन्ध भएका थिए तर कुनै खेल खेलेका छैनन्।
१० फागुन, काठमाडौं । इंग्ल्यान्डमा हुने ‘द हन्ड्रेड’ क्रिकेटको अक्सनका लागि नेपाली राष्ट्रिय टोलीका लेगस्पीनर सन्दीप लामिछानेले नाम दर्ता गराएका छन् ।
प्रतियोगिता आयोजकले सार्वजनिक गरेको सूचीअनुसार सन्दीपले विदेशी खेलाडी (अन्य) क्याटेगोरीमा ३१ हजार पाउन्ड बेस मूल्यमा नाम दर्ता गराएका हुन् ।
अक्सनका लागि १८ देशबाट करिब १००० खेलाडीले नाम दर्ता गराएका छन् । प्रतियोगिताको अक्सन आगामी मार्च ११ र १२ मा हुँदैछ ।
सन्दीप यसअघि सन् २०२१ मा ओभल इन्भिन्सिबल्सको टोलीमा १ लाख पाउन्डमा अनुबन्ध भएका थिए । यद्यपी कुनै खेल भने खेलेनन् ।
प्रतिक्रिया 4