२०८२ फागुन १४ गते १८:०१ 
News Summary
Generated by OK AI. Editorially reviewed.- नेपाल पुलिस क्लबले जय ट्रफी क्रिकेटमा बागमती प्रदेशविरुद्ध पहिलो दिन ४९ ओभरमा ४ विकेट गुमाएर २४५ रन बनाएको छ।
- कुशल भुर्तेलले ८४ बलमा ९६ रन बनाएर आउट भए भने करण केसीले १३ ओभरमा ४ विकेट लिए।
- बागमती प्रदेशले टस हारेर पहिले ब्याटिङ गर्दै ५३.५ ओभरमा १८५ रनमा अलआउट भएको थियो।
१४ फागुन, काठमाडौं । बलिङमा करण केसी र ललित राजवंशीको शानदार प्रदर्शन अनि ब्याटिङमा कुशल भुर्तेलको आक्रामक इनिङ मद्दतमा नेपाल पुलिस क्लबले जय ट्रफीमा बागमती प्रदेशविरुद्ध पहिलो दिनको समाप्तिमा अग्रता कायम गरेको छ ।
त्रिवि क्रिकेट मैदानमा भएको खेलको पहिलो दिन सकिँदा नेपाल पुलिसले ४९ ओभर खेलेर ४ विकेट गुमाउँदै २४५ रन बनाएको छ । पुलिसले बागमतीको १८५ रनको योगफल पार गर्दै ६० रनको अग्रता बनाएको छ ।
कुशल भुर्तेलले ८४ बलमा ९६ रन बनाएर आउट भए । शतकबाट उनी ४ रनले मात्र चुके । शंकर राना ४८ तथा अमित श्रेष्ठ ३९ रन बनाएर आउट भए । दिल्साद अली ३९ तथा कप्तान आरिफ शेख १७ रनमा नटआउट छन् ।
बागमतीका लागि इशान पान्डेले २ विकेट लिँदा सन्दीप लामिछाने र गौतम केसीले १-१ विकेट लिएका छन् ।
त्यसअघि खेलमा टस हारेर पहिले ब्याटिङ गरेको बागमती प्रदेशले ५३.५ ओभरमा अलआउट हुँदै १८५ रन बनाएको थियो ।
८४-८ को दयनय अवस्थाबाट बिपिन आचार्यले अविजित ४६ तथा सूर्य तामाङले २४ अनि गौतम केसीले २१ रन बनाएर सम्मानजनक योगफलसम्म पुर्याए । त्यसअघि इशान पान्डेले ४१ रन बनाए ।
पुलिसका करण केसीले १३ ओभरमा २७ रन दिएर ४ विकेट लिए । ललित राजवंशीले ३ तथा सागर ढकाल, राशिद खान र कुशल भुर्तेलले १-१ विकेट लिए ।
प्रतिक्रिया 4