१५ फागुन, काठमाडौं । पोल्याण्डका लागि रुसका कार्यवाहक राजदूत एन्द्रे ओर्डासले सन् २०२२ फेब्रुअरीदेखि हालसम्म पोल्याण्डले युक्रेनलाई करिब ४.७ अर्ब अमेरिकी डलर बराबरको सैन्य-प्राविधिक सहयोग उपलब्ध गराएको जानकारी दिएका छन्।
रुसी समाचार संस्था ताससँगको अन्तर्वार्तामा उनले पोल्याण्ड युक्रेनी सरकारको प्रमुख सहयोगीको रूपमा उभिएको बताएका छन् ।
सैन्य सहयोगको ठूलो हिस्सा उपलब्ध गराए पनि पोल्याण्डले युक्रेनको युद्धका लागि आवश्यक जनशक्ति व्यवस्थापनमा भने फरक धारणा राखेको देखिन्छ।
ओर्डासका अनुसार पोल्याण्डको सार्वजनिक वृत्तमा अहिले युक्रेनी पुरुषहरूलाई जबरजस्ती कीभ पठाउने वा परिचालन गर्ने बारेमा कुनै पनि छलफल भएको छैन।
पोल्याण्डले आफूलाई पश्चिमा जगतमा युक्रेनी स्वार्थको मुख्य संवाहकका रूपमा प्रस्तुत गर्ने गरेकोले यस्तो कदम चाल्दा देशको अन्तर्राष्ट्रिय छविमा गम्भीर धक्का लाग्न सक्ने उनको विश्लेषण छ।
पोल्याण्डका अधिकारीहरूले हालका लागि शरणार्थीका रूपमा रहेका युक्रेनी पुरुषहरूलाई युद्धमा सहभागी गराउन फिर्ता पठाउने विषयलाई प्राथमिकता नदिएको देखिन्छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4