१९ फागुन, काठमाडौं । गैरआवासीय नेपाली संघ (एनआरएनए) को निर्वाचन कार्यतालिकामा परिमार्जन गरिएको छ । मध्यपूर्वमा विकसित परिस्थितिलाई ध्यानमा राख्दै समितिले संघको आसन्न निर्वाचन कार्यतालिकामा सोमबार केही संशोधन गरेको हो ।
निर्वाचन समितिले जारी गरेको परिमार्जित कार्यतालिका अनुसार उम्मेदवारी अनलाइन र भौतिक रुपमा उपस्थित भएर दर्ता गर्न सकिने व्यवस्था गरिएको छ । यही फागुन २२ देखि २६ गतेसम्म बिहान ६ बजेदेखि साँझ ६ बेसम्म अनलाइनबार उम्मेदवारी दर्ता गर्न सकिनेछ ।
अनलाइनबाट उम्मेदवारी दर्ता गराएका उम्मेदवारहरुले प्रस्तावक र समर्थकसहित सनाखत गराउनु पर्नेछ । सनाखतका लागि २८ गतेसम्म समय तोकिएको छ ।
साथै उम्मेदवार, उनका प्रस्तावक तथा समर्थकको सनाखतका लागि मार्च १२ तारिखसम्म नेपाल आइपुग्न सकिने गरी कार्यतालिका समायोजन गरिएको छ ।
यस्तै, क्षेत्रीय पदाधिकारीका लागि प्रस्तावक र समर्थक अन्य क्षेत्रबाट पनि हुन सक्ने व्यवस्था गर्ने विषयमा निर्वाचन समितिमा छलफल भइरहेको बताइएको छ ।
संघको १२औं महाधिवेशन तथा निर्वाचन आगामी मार्च १४ देखि १६ सम्म काठमाडौंमा हुँदैछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4