गगन थापालाई राजीनामा नदिन ललितपुरका जनप्रतिनिधिको आग्रह

News Summary

Generated by OK AI. Editorially reviewed.

ललितपुरका स्थानीय तहका कांग्रेसबाट निर्वाचित जनप्रतिनिधिहरूले सभापति गगनकुमार थापाको पक्षमा ऐक्यबद्धता जनाएका छन्।
जनप्रतिनिधिहरूले थापाको राजीनामा नदिन आग्रह गर्दै वर्तमान राजनीतिक अवस्थामा उनको नेतृत्व अपरिहार्य भएको बताएका छन्।
विज्ञप्तिमा कांग्रेसको गरिमामय इतिहास र समसामयिक चुनौतीमा थापालाई एक मात्र योग्य नेतृत्व भएको दाबी गरिएको छ।

२८ फागुन, काठमाडौं । ललितपुरका स्थानीय तहमा नेपाली कांग्रेसबाट निर्वाचित जनप्रतिनिधिहरूले पार्टी सभापति गगनकुमार थापाको पक्षमा ऐक्यबद्धता जनाएका छन् ।

बिहीबार संयुक्त प्रेस विज्ञप्ति जारी गर्दै ललितपुरका महानगर र नगरका मेयर, उपमेयर तथा गाउँपालिका अध्यक्ष र उपाध्यक्षहरूले राजीनामा नदिन आग्रह गरेका हुन् ।

वर्तमान जटिल राजनीतिक अवस्थामा थापाको नेतृत्व र अभिभावकत्व पार्टीका लागि अपरिहार्य रहेको उनीहरूको भनाइ छ ।

विज्ञप्तिमा नेपाली कांग्रेसको गरिमामय इतिहास, वर्तमान राजनीतिक चुनौती, राष्ट्रियता र लोकतन्त्रको संरक्षणका साथै समसामयिक राजनीतिमा खेल्नुपर्ने प्रभावकारी भूमिकाका लागि गगन थापा नै एक मात्र योग्य व्यक्तित्व भएको दाबी गरिएको छ ।

जनप्रतिनिधिहरूले पछिल्लो समय चर्चामा आएको सभापतिको राजीनामाको विषयलाई पूर्णत: नकार्दै पार्टीको सुदृढीकरणका लागि नेतृत्वको निरन्तरताको खाँचो औंल्याएका छन् ।

ऐक्यबद्धता जनाउनेहरूमा ललितपुर जिल्ला समन्वय समितिका प्रमुख ऋषिदेव फुयाँल, ललितपुर महानगरपालिकाका प्रमुख चिरीबाबु महर्जन, गोदावरी नगरपालिकाका प्रमुख गजेन्द्र महर्जन र महाङ्काल गाउँपालिकाका अध्यक्ष वीरबहादुर लोप्चन रहेका छन् ।

त्यस्तै, महाङ्कालका अध्यक्ष गणेशबहादुर केसी, गोदावरीकी उपप्रमुख मुना अधिकारी, महालक्ष्मीकी उपप्रमुख लक्ष्मी महर्जन र कोन्ज्योसोमका उपाध्यक्ष राजन घिमिरेले पनि सामूहिक रूपमा सभापति थापालाई अभिभावकत्व ग्रहण गर्न आग्रह गरेका छन् ।