२०८२ चैत १ गते ७:५५ 
News Summary
Generated by OK AI. Editorially reviewed.- हिमालयन जाभा नेसनल बास्केटबल लिगमा त्रिभुवन आर्मी क्लबले पहिलो हार बेहोरेको छ ।
- टाइम्स इन्टरनेसनल कलेजले आर्मीलाई ८०-६८ ले पराजित गरेको हो ।
- मनिस केसीले २२ अंक स्कोर गरी म्यान अफ दि म्याच घोषित भएका छन् ।
१ चैत, काठमाडौं । हिमालयन जाभा नेसनल बास्केटबल लिग (एचजेएनबीएल) मा विभागीय टोली त्रिभुवन आर्मी क्लबले पहिलो हार बेहोरेको छ ।
सुरुवाती दुई खेल जितेर लयमा रहेको आर्मीलाई शनिबार राती सम्पन्न खेलमा टाइम्स इन्टरनेसनल कलेजले ८०-६८ ले पराजित गरेको हो ।
टाइम्सको भने यो लगातार दोस्रो जित हो । पहिलो खेलमा गोल्डेनगेटसँग पराजित भएपछि टाइम्सले केभिसी हाउण्ड्सन र आर्मीलाई हराएर लगातार जित हात पारेको हो ।
आर्मीले यसअघि हाउण्ड्स र गोल्डेनगेटलाई पराजित गरेको थियो ।
त्रिपुरेश्वरस्थित दशरथ रंगशालाको कभर्डहलमा भएको खेलमा आर्मीले पहिलो क्वाटरमा १५-१४ को झिनो अग्रता बनाएको थियो । दोस्रो क्वाटर टाइम्सले २३-१४ ले आफ्नो पक्षमा पार्दै हाफटाइमसम्म ३७-२९ को अग्रता बनायो । त्यसपछि तेस्रो क्वाटरमा दुवै टिमले २१-२१ अंक स्कोर गरे । चौथो क्वाटरमा पनि लय कायम राख्दै टाइम्सले २२-१८ ले आफ्नो पक्षमा पार्दै खेल जितेको हो ।
टाइम्सका लागि मनिस केसीले सर्वाधिक २२ अंक स्कोर गरे । उनी म्यान अफ दि म्याच घोषित भए ।
प्रतिक्रिया 4