इजरायलका लागि जासुसी गरेको आरोपमा इरानमा २० जना पक्राउ

News Summary

Generated by OK AI. Editorially reviewed.

इरानको पश्चिम अजरवैजान प्रान्तमा इजरायलका लागि जासुसी गरेको आरोपमा २० जनालाई पक्राउ गरिएको छ।
पक्राउ परेकाहरूले इरानका सैन्य र सुरक्षा निकायहरूको गोप्य विवरण इजरायललाई पठाएको आरोप लागेको छ।
इरानले देशभरि जासुसी आशंकामा व्यापक धरपकड गरिरहेको छ र आन्तरिक सुरक्षा तनावपूर्ण बनेको छ।

काठमाडौ । इरानको उत्तर-पश्चिमी प्रान्त ‘पश्चिम अजरवैजान’ ट इजरायलका लागि जासुसी गरेको आरोपमा २० जनालाई पक्राउ गरिएको छ।

इरानी समाचार एजेन्सी ‘तस्निम’ का अनुसार पक्राउ परेका व्यक्तिहरूले इरानका महत्त्वपूर्ण सैन्य र सुरक्षा निकायहरूको गोप्य स्थान र विवरणहरू इजरायललाई पठाउने गरेको आरोप लगाइएको छ ।

प्रान्तीय सरकारी वकिलको कार्यालयले आइतबार जारी गरेको विज्ञप्तिमा ती व्यक्तिहरूले देशको सुरक्षा संवेदनशीलतामा आँच पुऱ्याएको उल्लेख गरिएको छ ।

यसैबीच, समाचार एजेन्सी ‘रोयटर्स’ ले गत हप्ता एक रिपोर्ट सार्वजनिक गर्दै इजरायलले इरानमाथि आफ्नो आक्रमणको नयाँ चरण सुरु गरेको जनाएको थियो ।

उक्त रिपोर्ट अनुसार इजरायलले इरानभित्रै रहेका आफ्ना सूचनादाताहरूबाट प्राप्त जानकारीका आधारमा इरानका विभिन्न सुरक्षा चेकपोइन्ट र सैन्य अखडाहरूलाई निशाना बनाइरहेको छ।

इरानले पछिल्ला दिनहरूमा देशभरि नै जासुसीको आशंकामा व्यापक धरपकड गरिरहेको छ, जसका कारण त्यहाँको आन्तरिक सुरक्षा र राजनीतिक अवस्था थप तनावपूर्ण बनेको छ।