एफएनसीसीआईको निर्वाचनमा ब्रोकर एसोसिएसनका अध्यक्ष ढकालको उम्मेदवारी

News Summary

Generated by OK AI. Editorially reviewed.

नेपाल उद्योग वाणिज्य महासंघको निर्वाचनमा नेपाल स्टक ब्रोकर एसोसिएसनका अध्यक्ष सागर ढकालले केन्द्रीय सदस्यामा उम्मेदवारी दिएका छन्।
एसोसिएसनको कार्यसमिति बैठकले सर्वसम्मति रूपमा अध्यक्ष ढकाललाई केन्द्रीय सदस्यामा उम्मेदवारी बनाउने निर्णय गरेको छ।
ढकालले पूँजी बजारलाई सशक्त बनाउन र नयाँ सरकारलाई व्यवसायीका समस्या समाधान जोडदार रूपमा प्रस्तुत गर्ने बताए।

९ चैत, काठमाडौं । नेपाल उद्योग वाणिज्य महासंघ (एफएनसीसीआई)को आसन्न निर्वाचनमा नेपाल स्टक ब्रोकर एसोसिएसनका अध्यक्ष सागर ढकालले केन्द्रीय सदस्यामा उम्मेदवारी दिएका छन् । ढकालले वस्तुगत तर्फबाट उम्मेदवारी घोषणा गरेका हुन् ।

एसोसिएसनको कार्यसमिति बैठकले सर्वसम्मति रूपमा अध्यक्ष ढकाललाई केन्द्रीय सदस्यमा उम्मेदवारी बनाउने निर्णय समेत गरेको छ । नेपालको पूँजी बजारमा ७२ लाख भन्दा बढी लगानीकर्ताहरू आबद्ध रहेको र अबको अर्थतन्त्रको मेरुदण्डको रुपमा पूँजी बजारलाई सशक्त रुपमा अघि बढाउन उम्मेदवारी दिएको अध्यक्ष ढकालले बताए ।

करिब दुई वर्षदेखि नेपालको पूँजी बजारमा आबद्ध ढकालले जलविद्युत्, होटल, पर्यटन, कृषि लगायतका क्षेत्रमा पनि लगानी विस्तार गरेका छन् । जेनजी आन्दोलनपछि दुई तिहाइको नयाँ सरकार बन्ने क्रममा रहेको र अब बन्ने सरकारलाई व्यवसायीका समस्या समाधान जोडदार रुपमा प्रस्तुत हुने उनले बताए ।