२३ भदौमा संसद् भवन बाहिरको घटनामा कार्की आयोगले औंल्याएका त्रुटि

फाइल तस्वीर

News Summary

Generated by OK AI. Editorially reviewed.

गौरीबहादुर कार्की नेतृत्वको जाँझबुझ आयोगले २३ भदौमा संसद् बाहिर भएको घटनामा राज्यबाट त्रुटि भएको प्रतिवेदन बुझाएको छ।
आयोगले सुरक्षा निकायले बन्दुक र धातुको गोली प्रयोग गरी प्रभावकारी चेतावनी नदिएको र नरम उपाय अवलम्बन नगरेको उल्लेख गरेको छ।
आयोगले मानवअधिकार उल्लंघन भएको ठहर गर्दै प्रहरीले गम्भीर हतियार प्रयोग गरी विधि र प्रक्रिया नअपनाएको प्रतिवेदनमा उल्लेख गरेको छ।

११ चैत, काठमाडौं । गौरीबहादुर कार्की नेतृत्वको जाँझबुझ आयोगले जेनजी आन्दोलनको क्रममा पहिलो दिन (२३ भदौ) संसद् बाहिर भएको त्रुटि औंल्याएको छ ।

२३ भदौमा संसद् परिसर वरपर भएको घटनामा राज्यबाट त्रुटि भएको उल्लेख गर्दै प्रतिवेदन बुझाइएको छ । सुरक्षा निकायबाट बन्दुक जस्तो गम्भीर हतियारको प्रयोग हुनु र धातुको गोली चल्नु सरकारी पक्षको त्रुटि भएको आयोगको ठहर छ ।

हतियार प्रयोग हुनुअघि सबैले सुन्ने गरी प्रभावकारी रूपमा चेतावनी नदिएर सुरक्षाकर्मीले गोली चलाएको प्रतिवेदनमा उल्लेख छ ।

आन्दोलनकारीलाई तितरबितर पार्ने क्रममा नरम उपायहरू अवलम्बन नगरिएको प्रतिवेदनमा सरकारी कमजोरी औंल्याइएको छ ।

पानीको फोहरा, लाठी, ब्यारिकेड, हवाई फायर, वार्ता आदि लगायतमा पर्याप्त मात्रामा अपनाउने कार्य नभएको प्रतिवेदनमा उल्लेख गरेको छ । राज्यद्वारा मानवाधिकार प्रतिको उत्तरदायित्वको उल्लंघन भएको आयोगको ठहर छ ।

प्रदर्शनकारी अपवाद बाहेक निशस्त्र भएको जनाएको आयोगले प्रहरीले गम्भीर हतियार प्रयोग गरेर गोली चलाएको प्रतिवेदनमा उल्लेख छ । हतियारधारीले पालना गर्नुपर्ने विधि र प्रक्रिया नअपनाएर मानवअधिकार उल्लंघन गरिएको आयोगको ठहर छ ।