बालेनको गीतले रच्यो युट्युबमा रेकर्ड, २४ घण्टामा ३७ लाख भ्यूज

Listen News

0:00

0:30

🔊

News Summary

Generated by OK AI. Editorially reviewed.

बालेनको गीत ‘जय महाकाली’ले २४ घण्टाभित्र युट्युबमा सबैभन्दा धेरै ३७ लाख ४३ हजार ८१७ पटक हेरिने नेपाली गीतको रेकर्ड बनाएको छ।
गीत रिलिज भएको ३ घण्टामै १० लाख भ्यूज पाउने रेकर्ड पनि ‘जय महाकाली’ले रचेको छ।
प्रधानमन्त्रीमा सपथ लिनुअघि बालेनले आफ्नो युट्युब च्यानलबाट उक्त गीत रिलिज गरेको उनले बताउनुभयो।

काठमाडौं । बालेनको गीत ‘जय महाकाली’ ले युट्युबमा कीर्तिमान रचेको छ । यो गीत २४ घण्टाभित्र युट्युबमा सबैभन्दा धेरैपटक हेरिने नेपाली गीत बनेको छ ।

शुक्रबार राती ८ बजे रिलिज भएको गीतलाई शनिबार राती ८ बजेसम्म ३७ लाख ४३ हजार ८१७ पटक हेरिएको छ । यो भ्यूज कुनै नेपाली गीतले युट्युबमा रचेको रेकर्ड हो ।

यो गीतले ३ घण्टामै १० लाख भ्यूज पाउने अर्को रेकर्ड पनि रचिसकेको छ ।

आइतबार दिउँसो २ बजेसम्म बालेनको यो गीतलाई युट्युबमा ४८ लाख ८८ हजार ८६६ पटक हेरिएको छ । प्रधानमन्त्रीमा सपथ लिनुअघि बालेन (बालेन्द्र शाह)ले आफ्नो युट्युब च्यानलबाट उक्त गीत रिलिज गरेका दिए ।

यसअघि दुर्गेश थापाको ‘जाने भए जाम माया’ले २४ घण्टाभित्र १६ लाख भ्यूजको रेकर्ड रचेको थियो, जसलाई ६ घण्टामै बालेनको नयाँ गीतले तोडिसकेको छ ।

बालेनको यो नयाँ गीत १२ वर्षअघि युट्युबमै आइसकेको रि-मास्टर्ड संस्करण हो । त्रिशला गुरुङ र रचना दाहालसँगको कोल्याबमा बनेका बालेनका थप दुई गीत पनि चाँडै आउँदैछन् ।