२५ असार, काठमाडौं । किसानले उत्पादन गरेका खसीबोकाको उचित मूल्य नपाएको विषयमा कृषि, वन तथा पर्यावरण मन्त्रालयले चासो व्यक्त गरेको छ ।
किसानलाई न्यायोचित मूल्य दिलाउन मन्त्रालयले खसीबोकाको बजार तथा आपूर्ति शृङ्खलाको विस्तृत अध्ययन अघि बढाएको जनाएको हो ।
किसानदेखि व्यापारी र बजारसम्मको आपूर्ति शृङ्खलाको तथ्यांक संकलन प्रक्रिया सुरु गरिएको मन्त्रालयको भनाइ छ ।
बजारमा खसीबोकाको खरिदबिक्री मूल्य र उत्पादक (किसान) ले पाइरहेको वास्तविक प्रतिफलबीचको अन्तर पत्ता लगाइ समस्या समाधान गर्ने मन्त्रालयको तयारी छ ।
मन्त्रालयका अनुसार किसानले आफ्नो उत्पादनको उचित मूल्य प्राप्त गर्ने वातावरण निर्माण गर्न र उपभोक्तासम्म सहज तथा पारदर्शी आपूर्ति प्रणाली विकास गर्न सरोकारवाला निकायहरूसँग आवश्यक समन्वय र सहकार्य भइरहेको छ ।
अहिले बजारमा बिचौलियाका कारण किसानले सस्तोमा बेच्नुपर्ने र उपभोक्ताले महँगोमा किन्नुपर्ने बाध्यता रहेको गुनासो बढिरहेको छ । यसलाई सम्बोधन गर्न मन्त्रालयले उत्पादक र उपभोक्ता दुवैको हित ध्यानमा राखेर कदम चाल्न लागेको जनाएको छ ।
किसान र उपभोक्ता दुवैलाई फाइदा पुग्ने गरी आवश्यक नीतिगत तथा समन्वयात्मक पहल भइरहेको र यससम्बन्धी थप निर्णय छिट्टै सार्वजनिक गरिने मन्त्रालयको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4