९ साउन, काठमाडौं । भारतमा आन्दोलन गरिरहेको कक्रोच जनता पार्टी(सीजेपी)ले नरेन्द्र मोदी नेतृत्वको केन्द्र सरकारले आफ्ना माग पूरा गर्ने सहमति भएको बताएको छ । सीजेपीले प्रदर्शनकारीहरूलाई घर फर्किन पनि आग्रह गरेको छ ।
तेस्रो चरणको वार्तापछि मोदी सरकारका मन्त्रीहरू जेपी नड्डा र जितेन्द्र सिंहसँग सीजेपीका प्रवक्ता सौरभ दास र आँशुतोष रांकाले संयुक्त पत्रकार सम्मेलन गर्दै सीजेपीका सबै माग पूरा गर्न सहमति जनाएको बताएका छन् ।
‘सरकारले हाम्रा सबै माग पूरा गर्न तयार रहेको बताएको छ । सरकारले हाम्रो दोस्रो माग पनि मानेको छ,’ पत्रकार सम्मेलनमा सौरभ दासले भने । उनले दिल्लीमा मात्र नभई देशभरका प्रदर्शनकारीमाथि दायर भएका सबै एफआईआर फिर्ता लिन सरकार तयार रहेको बताएका छन् ।
‘साथै सरकारले वाचा गरेको छ भविष्यमा सीजेपीका कुनै पनि कार्यकर्तामाथि प्रदर्शनका लागि कारबाही गरिने छैन,’ उनले भने ।
सीजेपीका अर्का प्रवक्ता आँशुतोष रांकाले आत्महत्या गरेका विद्यार्थीका परिवारले एक करोड क्षतिपूर्ति दिने विषयमा पनि सरकार सहमत भएको बताए ।
यसअघि आजै शिक्षामन्त्री धमेन्द्र प्रधानले पदबाट राजीनामा दिएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4