News Summary
Generated by OK AI. Editorially reviewed.- नेपाल आयल निगमले ग्यासको कृत्रिम अभाव सिर्जना गरी अनावश्यक मौज्दात राख्ने व्यावसायिक प्रतिष्ठानलाई कारबाही गर्ने चेतावनी दिएको छ ।
- निगमका अनुसार बजारमा ग्यासको आपूर्ति बढे पनि होटल र रेस्टुरेन्टले आवश्यकताभन्दा बढी सिलिन्डर लुकाएर राखेको अनुगमनका क्रममा पाइएको छ ।
- निगमले मौज्दात राखिएका ग्यास तत्काल सर्वसाधारणलाई बिक्री गर्न आग्रह गर्दै अटेर गर्नेलाई प्रचलित कानून बमोजिम कडा कारबाही गर्ने जनाएको छ ।
२८ साउन, काठमाडौं । नेपाल आयल निगमले बजारमा ग्यासको कृत्रिम अभाव सिर्जना हुने गरी अनावश्यक मौज्दात राख्ने व्यावसायिक प्रतिष्ठानलाई कारबाही गर्ने चेतावनी दिएको छ ।
निगमले बिहीबार सूचना जारी गर्दै ३१ असारदेखि बजारमा १४.२ किलोको भरी सिलिन्डर बिक्री वितरण भइरहेको र साविकभन्दा करिब २० प्रतिशत बढी ग्यास आयात र वितरण भइरहे पनि सर्वसाधारण उपभोक्ताले बजारमा सहज ग्यास नपाएको गुनासो बढेपछि ध्यानाकर्षण भएको बताएको छ ।
निगमको द्रुत प्रतिकार्य डेस्कमा प्राप्त उजुरी र जानकारीका आधारमा बजार अनुगमन गर्दा कतिपय होटल, रेस्टुरेन्ट तथा पार्टी प्यालेस लगायत व्यावसायिक प्रतिष्ठानहरूले आफ्नो आवश्यकताभन्दा बढी ग्यास सिलिन्डर मौज्दात राखेको पाइएको सूचनामा उल्लेख छ ।
त्यसरी अनावश्यक ग्यास मौज्दात नराख्न र यदि राखिएको भए तत्काल सम्बन्धित डिपोमार्फत सर्वसाधारण उपभोक्तालाई बिक्री वितरण गर्न गराउन सम्बद्ध सबैमा निगमले आग्रह गरेको छ ।
साथै, निगमको यो सूचना अवज्ञा गरी कहीँ कतै ग्यास सिलिन्डर मौज्दात (लुकाएर) राखेको भेटिए प्रचलित कानुन बमोजिम कडा कारबाही हुने समेत निगमको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4