News Summary
Generated by OK AI. Editorially reviewed.- नेपाली कांग्रेस सभापति गगन थापाले पूर्वउपसभापति पूर्णबहादुर खड्का र नेता डा.शेखर कोइरालासँग छुट्टाछुट्टै छलफल गरेका छन् ।
- आज बस्ने कार्यसम्पादन समितिको बैठकमा महाधिवेशन, बाढीपछि राहत र पुनर्निर्माणबारे छलफल हुँदैछ ।
- कांग्रेसले केन्द्रीय महाधिवेशनको मिति नबदल्ने गरी वडा तहको अधिवेशन एक साता सार्ने तयारी गरेको छ ।
२१ भदौ, काठमाडौं । नेपाली कांग्रेसका सभापति गगन थापाले पूर्वउपसभापति पूर्णबहादुर खड्का र नेता डा.शेखर कोइरालासँग छुट्टाछुट्टै छलफल गरेका छन् ।
पूर्वउपसभापति खड्कासँग शनिबार र नेता डा.कोइरालासँग आज भेट भएको एक नेताले जानकारी दिए ।
कांग्रेसका एक पदाधिकारीका अनुसार सभापति थापाले दुवै जना नेतासँग छुट्टाछुट्टै छलफल गरेका हुन् । ती नेताले अनलाइनखबरसँग भने, ‘सभापतिले पूर्ण र शेखर दाइसँग भेट्ने पूर्व योजना नै थियो । भेट भएको छ । कुराकानीका विषय सभापतिले कार्यसम्पादन समितिमा बताउनु होला ।’
आसन्न महाधिवेशन र बाढीपछि राहत, पुर्ननिर्माण लगायतमा छलफल गर्न कांग्रेसको आज कार्यसम्पादन समितिको बैठक बस्दैछ ।
खड्का र कोइरालासँग संवादलाई जारी राख्न वडा तहको अधिवेशनको एक साता सार्ने तयारी गरिएको छ । केन्द्रीय महाधिवेशन (१६ देखि १९ असोजसम्म) को मिति परिवर्तन नगर्ने गरी तल्लो तहका अधिवेशनको मिति सार्न लागिएको छ ।
पूर्वसभापति शेरबहादुर देउवा पक्षले मंसिरमा गर्ने गरी ल्याएको महाधिवेशनको कार्यतालिकाप्रति खड्का र कोइराला सहमत देखिएका छैनन् ।
देउवा पक्षले महाधिवेशनको कार्यतालिका ल्याउने बैठकमा समेत खड्का र कोइराला उपस्थित भएनन् । साथै, देउवा पक्षले गरेको राष्ट्रिय भेलाको अन्तिम दिनमा पनि उनीहरू सहभागी भएका थिएनन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4