२०८३ असोज ८ गते १७:०१ 
News Summary
Generated by OK AI. Editorially reviewed.- सुदूरपश्चिम रोयल्सले स्कटल्यान्डका अलराउन्डर ब्रान्डन म्याकमुलेनलाई नेपाल प्रिमियर लिगको तेस्रो संस्करणका लागि अनुबन्ध गरेको छ।
- २६ वर्षीय म्याकमुलेनले स्कटल्यान्डका लागि ४७ ओडिआई र ३० टी२०आई खेल खेलेका छन्।
- एनपीएलको तेस्रो संस्करण कात्तिक ९ देखि मंसिर ५ गतेसम्म सञ्चालन हुनेछ।
८ असोज, काठमाडौं । स्कटल्यान्डका अलराउन्डर ब्रान्डन म्याकमुलेनले सुदूरपश्चिम रोयल्सबाट नेपाल प्रिमियर लिग (एनपीएल) को तेस्रो संस्करण खेल्ने भएका छन् ।
सुदूरपश्चिमले बिहीबार सामाजिक सञ्जालमार्फत म्याकमुलेनलाई अनुबन्ध गरेको जनाएको हो ।
२६ वर्षीय ब्याटिङ अलराउन्डर म्याकमुलेनले स्कटल्याण्डका लागि ४७ ओडिआई र ३० टी२०आई खेल खेलेका छन् ।
म्याकमुलेनले टी-२०आई करियरमा ३० खेलमा ७८७ रन बनाएका छन् । समग्र टी-२० मा उनले ५४ खेलमा ११ अर्धशतकसहित १३६६ रन बनाएका छन् ।
उनी पहिलो संस्करणमा पनि सुदूरपश्चिम रोयल्सबाटै खेलेका थिए ।
एनपीएलको तेस्रो संस्करण कात्तिक ९ देखि मंसिर ५ गतेसम्म सञ्चालन हुनेछ ।
प्रतिक्रिया 4