News Summary
Generated by OK AI. Editorially reviewed.- लोकप्रिय नेपाली पप ब्यान्ड ‘मंगोलियन हार्ट’ तीन दशकपछि ‘मंगोलियन हार्ट युरोप मिनी टूर २०२६’ अन्तर्गत ४ देशमा प्रत्यक्ष प्रस्तुति दिन युरोप जाँदैछ ।
- फोर ब्रदर्स इभेन्ट म्यानेजमेन्टको व्यवस्थापनमा ८ सदस्यीय टोली २४ सेप्टेम्बरमा प्रस्थान गर्नेछ र सेप्टेम्बर २६ देखि क्रोएसियासम्म प्रस्तुति दिनेछ ।
- गायक राजु लामाले यात्राबाट उठेको रकमको केही हिस्सा भोटेकोशी बाढीबाट प्रभावितका राहतका लागि प्रयोग गर्ने बताएका छन् ।
काठमाडौं । लोकप्रिय नेपाली पप ब्यान्ड ‘मंगोलियन हार्ट’ तीन दशकपछि युरोप भ्रमणमा निस्कने भएको छ । ‘मंगोलियन हार्ट युरोप मिनी टूर २०२६’ अन्तर्गत ब्यान्डले ४ देशमा प्रत्यक्ष सांगीतिक प्रस्तुति दिनेछ ।
फोर ब्रदर्स इभेन्ट म्यानेजमेन्टको व्यवस्थापनमा टूर हुन लागेको हो । ब्यान्डको ८ सदस्यीय टोली २४ सेप्टेम्बरमा त्यसतर्फ प्रस्थान गर्ने कार्यक्रम छ ।
टोलीको लिड भोकलिस्टमा राजु लामा, गिटारिस्टमा बबी लामा, ड्रमर सन्तोष थापामगर, बास गिटारिस्ट पवन कपाली, लिड गिटारिस्ट भूपेन्द्र बज्राचार्य, मादल तथा तबलावादक बाबुराजा महर्जन, बाँसुरीवादक विनय महर्जन र साउन्ड इन्जिनियरमा नीरेन्द्र रञ्जित छन् ।
तालिकाअनुसार ब्यान्डले सेप्टेम्बर २६ मा डेनमार्क, अक्टोबर ३ मा रोमानिया, अक्टोबर ५ मा पोर्चुगल र अक्टोबर ११ मा क्रोएसियामा लाइभ प्रस्तुति दिनेछ । यो युरोप भ्रमणलाई सांगीतिक यात्रासँगै सामाजिक सेवासँग पनि जोडिएको छ ।
उक्त सांगीतिक यात्राबाट प्राप्त हुने रकमको केही हिस्सा भोटेकोशी बाढीबाट प्रभावितलाई राहतका लागि दिइने जानकारी गायक लामाले दिए ।
‘हाम्रो यात्रा मनोरञ्जनमा मात्र सीमित छैन । रसुवालगायत विपद्बाट प्रभावित नेपाली दाजुभाइ तथा दिदीबहिनीप्रति हाम्रो पनि जिम्मेवारी छ । त्यसैले यस यात्राबाट उठेको रकममध्ये केही हिस्सा उहाँको सहयोगका लागि प्रयोग गर्नेछौँ,’ गायक लामाले भने ।
ब्यान्ड म्यानेजर समेत रहेका गिटारिस्ट लामाले सामाजिक उद्देश्यसमेत जोडिएको यो यात्रामा युरोपमा रहेका सम्पूर्ण नेपाली समुदाय तथा संगीतप्रेमीलाई सहभागिताका लागि आग्रह गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4