News Summary
Generated by OK AI. Editorially reviewed.- सरकारले पछिल्लो सात दिनमा संघीय संसद्मा १० वटा विधेयक दर्ता गरेको छ ।
- मंगलबार मात्रै रामराजा प्रसाद सिंह स्वास्थ्य विज्ञान प्रतिष्ठान, केही नेपाल ऐन र महिला, बालबालिका तथा सामाजिक सुरक्षा सम्बन्धी तीन विधेयक दर्ता भए ।
- मन्त्री सोबिता गौतमले यस वर्ष १६६ वटा कानून बनाउने लक्ष्य रहेको र ४० भन्दा बढी दर्ता भइसकेको बताइन् ।
७ असोज, काठमाडौं । सरकारले पछिल्लो सात दिनमा विभिन्न १० वटा विधेयक संघीय संसद्मा दर्ता गरेको छ ।
मंगलबार मात्रै तीन वटा विधेयक दर्ता भए । जसमा रामराजा प्रसाद सिंह स्वास्थ्य विज्ञान प्रतिष्ठान विधेयक, केही नेपाल ऐनको व्यवस्था जगाउने विधेयक र महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा सम्बन्धी केही नेपाल ऐन संशोधन गर्ने विधेयक रहेको छ ।
यस अगाडि ५ असोजमा पाँच वटा विधेयक दर्ता भएको थियो ।
जसमा डिप्लोमा इन्जिनियरिङ परिषद् विधेयक, राष्ट्रिय प्रतिरक्षा विश्वविद्यालय विधेयक, स्वास्थ्यकर्मी तथा स्वास्थ्य संस्थाको सुरक्षा सम्बन्धी (दोस्रो संशोधन) विधेयक रहेको छ ।
सुरक्षित मातृत्व तथा प्रजनन स्वास्थ्य अधिकार (पहिलो संशोधन) विधेयक, र आमाको दूधलाई प्रतिस्थापन गर्ने वस्तु (बिक्री वितरण नियन्त्रण) (पहिलो संशोधन) विधेयक पनि दर्ता भएको छ ।
२ असोजमा नि:शुल्क कानुनी सहायता सम्बन्धी विधेयक असोज १ गते फोहोरमैला व्यवस्थापन विधेयक दर्ता भएको थियो ।
कानुन, न्याय तथा संसदीय मामिला मन्त्री सोबिता गौतमका अनुसार सरकार कानुन निर्माणको प्रक्रियालाई गति दिने गरी अगाडि बढिरहेको छ ।
मंगलबार प्रतिनिधिसभाको बैडकमा ‘राष्ट्रिय क्षेत्राधिकार बाहिरको सामुद्रिक जैविक विविधताको संरक्षण र दिगो उपयोगसम्बन्धी (बीबीएनजे) सम्झौता’माथिको छलफलमा सांसदहरूले उठाएका प्रश्नको जवाफ दिने क्रमा उनले यस्तो बताएकी थिइन् ।
उनले भनेकी थिइन्, ‘यस वर्ष हामी १६६ वटा कानून बनाउने लक्ष्यमा छौं र अहिलेसम्म ४० भन्दा बढी दर्ता भइसकेका छन् ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4