फेरि बढ्यो अन्डाको मूल्य, प्रतिक्रेट कति ?

News Summary

Generated by OK AI. Editorially reviewed.

नेपाल लेयर्स कुखुरापालक संघले मंगलबारदेखि लागू हुने गरी अन्डा प्रतिक्रेट १० देखि १५ रुपैयाँसम्म बढाएको छ।
संघका अनुसार सबैभन्दा ठूलो अन्डाको डिपो तथा डिलर मूल्य प्रतिपेटी ४ हजार ३०० रुपैयाँ र ठूलो अन्डाको ४ हजार २०० रुपैयाँ तोकिएको छ।
संघका सचिव मदन पोखरेलले खुद्रा मूल्य नबढेको र उपभोक्ताले ठूलो अन्डा प्रतिगोटा २५ रुपैयाँ तथा मिडियम अण्डा २ गोटाको ४५ रुपैयाँमै किन्न पाउने बताए।

७ असोज, काठमाडौं । बजारमा अन्डाको मूल्य फेरि बढेको छ ।

नेपाल लेयर्स कुखुरापालक संघले आज मंगलबारदेखि लागु हुने गरी अन्डा प्रतिक्रेट १० देखि १५ रुपैयाँसम्म बढेको बताएको छ ।

संघले जारी गरेको तथ्यांक अनुसार सबैभन्दा ठूलो (एक्सएल) अन्डाको डिपो तथा डिलर मूल्य प्रतिपेटी ४ हजार ३०० रुपैयाँ र ठूलो अन्डाको मूल्य प्रतिपेटी ४ हजार २०० रुपैयाँ तोकिएको छ ।

यसअनुसार अब सबैभन्दा ठूलो अन्डा प्रतिक्रेट ६ सय १५, ठूलो अन्डा प्रतिक्रेट ६ सय रुपैयाँ पर्नेछ । यसअघि १९ भदौदेखि लागु हुने गरी संघले मूल्य तोकेको थियो । त्यसबेला सबैभन्दा ठूलो अन्डा प्रतिक्रेट ६ सय ५ रुपैयाँ, ठूलो अन्डा ५ सय ९० रुपैयाँ र मिडियम अन्डा ५ सय ५० रुपैयाँ तोकिएको थियो । सानो अन्डाको मूल्य भने प्रतिपेटी ३ हजार २०० रुपैयाँ कायम थियो ।

होलसेल र फार्म मूल्यमा परिवर्तन भए पनि सर्वसाधारणले किन्ने खुद्रा मूल्य भने नबढाइएको संघको भनाइ छ ।

उपभोक्ताले पहिले जस्तै ठूलो अन्डा प्रतिगोटा २५ रुपैयाँ र मिडियम अण्डा २ गोटाको ४५ रुपैयाँमै खरिद गर्न पाउने संघका सचिव मदन पोखरेलले जानकारी दिए ।