News Summary
Generated by OK AI. Editorially reviewed.- अविरल वर्षा र प्रतिकूल मौसमका कारण नेपाली कांग्रेस स्याङ्जाको असोज १० गते तय प्रदेश सभा र प्रतिनिधिसभा क्षेत्रीय अधिवेशन स्थगित भएको छ।
- जिल्ला सचिव दामोदर लम्सालले मौसम पूर्वानुमान र सतर्कता सूचनालाई ध्यानमा राखेर अधिवेशनको मिति सारिएको बताए।
- संशोधित कार्यतालिकाअनुसार असोज १२ गते साँझ ७ बजेसम्म प्रक्रिया पूरा गरेर असोज १३ गते बिहान ७ बजेदेखि निर्वाचन कार्यक्रम सञ्चालन हुनेछ।
९ असोज, स्याङ्जा । अविरल वर्षा र प्रतिकूल मौसमका कारण नेपाली कांग्रेस स्याङ्जाको प्रदेश सभा तथा प्रतिनिधिसभा निर्वाचन क्षेत्रीय अधिवेशन स्थगित भएको छ ।
नेपाली कांग्रेसको १५औँ महाधिवेशनअन्तर्गत स्याङ्जाका दुवै प्रतिनिधिसभा निर्वाचन क्षेत्रमा असोज १० गतेका लागि तय गरिएको प्रदेश सभा र प्रतिनिधिसभा क्षेत्रीय अधिवेशन स्थगित गरिएको हो ।
नेपाली कांग्रेस स्याङ्जाका जिल्ला सचिव दामोदर लम्सालका अनुसार आगामी केही दिनसम्म वर्षा जारी रहने मौसम पूर्वानुमान तथा मौसम विभागलगायत विभिन्न निकायले जारी गरेको सतर्कता सूचनालाई ध्यानमा राख्दै अधिवेशनको मिति सारिएको हो ।
कांग्रेस केन्द्रीय समितिले असोज १३ गतेभित्र क्षेत्रीय अधिवेशन सम्पन्न गर्ने गरी दिएको समयसीमाअनुसार संशोधित निर्वाचन कार्यक्रम सार्वजनिक गरिएको सचिव लम्सालले बताए ।
संशोधित कार्यतालिकाअनुसार असोज १२ गते साँझ ७ बजेसम्म मतदाता नामावली प्रकाशन, मनोनयन दर्ता, अन्तिम सूची प्रकाशन तथा उम्मेदवारको अन्तिम नामावली प्रकाशन गरिनेछ ।
त्यसैगरी, निर्वाचन कार्यक्रम असोज १३ गते बिहान ७ बजेदेखि सञ्चालन हुने नेपाली कांग्रेस स्याङ्जाले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4