२० असोज, काठमाडौं । दशैंलाई अग्रिम टिकट बुकिङका सम्बन्धमा यातायात व्यवस्था विभागले आज यातायात व्यवसायीसँग छलफल गर्ने भएको छ ।
यातायात व्यवस्था विभागको सभा हलमा आज बिहान ११ बजे अग्रिम टिकट बुकिङबारे छलफल हुनेछ ।
विभागले छलफलका लागि प्रहरी प्रधान कार्यालय राजमार्ग तथा सुरक्षा महाशाखा, काठमाडौं उपत्यका ट्राफिक प्रहरी कार्यालय, नेपाल यातायात व्यवसायी राष्ट्रिय महासंघ, नेपाल यातायात स्वतन्त्र मजदुर संगठन, अखिल नेपाल यातायात स्वतन्त्र मजदुर संगठन, नेपाल यातायात मजदुर संघ, नेपाल ट्रक यातायात व्यवसायी संघ र ल्होत्से बहुउद्देश्यीय सहकारी संघलाई आमन्त्रण गरेको छ ।
चाडबाडमा काठमाडौंबाट बाहिर जाने यात्रुहरू अग्रिम टिकट बुकिङ नखुल्दा अन्योलमा छन् ।
तर, केही कम्पनीको अनलाइन बुकिङ भने धमाधम भइरहेको छ । जसले गर्दा आम सर्वसाधारणमा भने अन्योल कायमै छ ।
चाडबाडमा टिकट नपाएर यात्रुले सास्ती भोग्नुपर्ने, बसपार्कमा लामो लाइन लाग्नुपर्ने बाध्यता अझै पनि हट्न सकेको छैन । विभागले मंगलबारका लागि सरोकारवालाको बैठक बोलाएको हो ।
यसपालि दसैंमा अवधिभरि १० लाखभन्दा धेरै यात्रुले काठमाडौं उपत्यका छाड्ने आकलन छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4