News Summary
Generated by OK AI. Editorially reviewed.- नेपाल रेडक्रस सोसाइटीले बडादशैंको लामो बिदापछि रगतको मौज्दात सकिएको भन्दै रक्तदानका लागि विशेष अनुरोध गरेको छ।
- केन्द्रीय रक्तसञ्चार सेवामा रक्तदान कार्यक्रम नहुँदा उपचारार्थ बिरामीका लागि रगतको माग दिनानुदिन बढेको डा. प्रकाश यादवले बताए।
- रेडक्रसका अध्यक्ष डा. विशालकुमार भण्डारीले स्वयंसेवी रक्तदाता र संघसंस्थालाई रक्तदान कार्यक्रम गर्न आह्वान गरेका छन्।
११ कात्तिक, काठमाडौं । नेपाल रेडक्रस सोसाइटीले रक्तदानका लागि विशेष अनुरोध गरेका छ ।
नेपालीहरूको महान चाड बडादशैंको लामो बिदा भएसँगै केन्द्रीय रक्तसञ्चार सेवामा रक्तदान कार्यक्रमहरू नभएको र अस्पतालमा उपचारार्थ बिरामीका लागि आवश्यक रगतको माग दिनानुदिन उच्च हुँदै गइरहेकोले रक्तदानका लागि रेडक्रसले विशेष अनुरोध गरेको हो ।
नेपाल रेडक्रस सोसाइटी केन्द्रीय रक्तसञ्चार सेवाका प्रमुख डाक्टर प्रकाश यादवका अनुसार रक्तसञ्चार केन्द्रमा रगतको मौज्दात सकिएको छ ।
रक्तदान गरेको तीन महिना पुगेका स्वयंसेवी रक्तदाता तथा १८ वर्ष उमेर पूरा भएका युवायुवतीलाई रक्तदान गर्न डा. यादवले अनुरोध गरेका छन् ।
चाडपर्वका कारण रक्तदान कार्यक्रममा कमी आएकोले रगतको सहज व्यवस्थापनमा कठिनाइ भएको नेपाल रेडक्रस सोसाइटीका अध्यक्ष डाक्टर विशालकुमार भण्डारीले बताए । उनले स्वयंसेवी रक्तदाता तथा संघसंस्थाहरूलाई रक्तदान कार्यक्रम गर्न आह्वान गरेका छन् ।
नेपाल रेडक्रस सोसाइटीले ७३ जिल्लाका १२० स्थानबाट रक्त सञ्चार सेवा केन्द्र तथा एकाइहरूमार्फत सेवा सञ्चालन गरिरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4