News Summary
Generated by OK AI. Editorially reviewed.- नार्कले खुमलटारका कार्यालयलाई कर्मचारी आवासगृहको विवरण तीन दिनभित्र केन्द्रीय कार्यालयमा बुझाउन निर्देशन दिएको छ ।
- नार्कले अनधिकृत प्रयोग भएका आवासगृह ३५ दिनभित्र खाली गराउन सम्बन्धित कार्यालयलाई कडा निर्देशन दिएको छ ।
- उक्त परिपत्र नार्क व्यवस्थापन बैठकको निर्णयअनुसार जारी भएको र यसको बोधार्थ मन्त्री गीता चौधरीलाई दिइएको छ ।
१२ कात्तिक, काठमाडौं । नेपाल कृषि अनुसन्धान परिषद् (नार्क) ले खुमलटारमा रहेका आफ्ना सम्पूर्ण कार्यालयलाई कर्मचारी आवासगृहको विवरण बुझाउन र अनधिकृत प्रयोग भएका आवासगृह खाली गराउन निर्देशन दिएको छ ।
नार्कले सूचना जारी गर्दै सम्बन्धित कार्यालयलाई यस्तो निर्देशन दिएको हो । हिजो बुधबार बसेको नार्क व्यवस्थापन बैठकको निर्णय अनुसार उक्त कदम चालिएको सूचनामा उल्लेख छ ।
नार्कले खुमलटारस्थित कार्यालयमा हाल प्रयोग भइरहेका कर्मचारी आवासगृहमा बस्ने कर्मचारीका नाम र पद वा तहसहित सम्पूर्ण विवरण तीन दिनभित्र केन्द्रीय कार्यालयमा उपलब्ध गराउन निर्देशन दिएको छ ।
यसका साथै प्राप्त विवरण वा अनुगमन क्रममा यदि कुनै आवासगृह अनधिकृत प्रयोग भइरहेको पाइए त्यस्ता आवासगृह ३५ दिनभित्र अनिवार्य खाली गराउन समेत नार्कले सम्बन्धित कार्यालयलाई कडा निर्देशन दिएको छ ।
बैठकको निर्णय बमोजिम आवश्यक कारबाही प्रक्रिया अघि बढाउन उक्त परिपत्र जारी गरिएको जनाइएको छ । यसको बोधार्थ कृषि, वन तथा पर्यावरणमन्त्री तथा नार्क अध्यक्ष गीता चौधरीलाई दिइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4