News Summary
Generated by OK AI. Editorially reviewed.- ललितपुरको जावलाखेल खेल मैदानमा तिहार र छठ लक्षित १९औं गोदावरी फूलको प्रतियोगितात्मक प्रदर्शनी २०८३ बिहीबारदेखि सुरु भएको छ ।
- फ्लोरिकल्चर एसोसिएसन नेपालले आयोजना गरेको पाँच दिने मेलामा ८६ स्टल छन्, र १६ कात्तिकसम्म चल्नेछ ।
- मेलामा ४ सय ५० भन्दा बढी प्रकारका फूल बिरुवा प्रदर्शन तथा बिक्री हुने र ३९ हजारभन्दा बढीले अवलोकन गर्ने आयोजकको अपेक्षा छ ।
१३ कात्तिक, काठमाडौं । नजिकिँदै गरेको चाड तिहार तथा छठ पर्व लक्षित गर्दै हिजो बिहीबारदेखि ललितपुर जावलाखेल खेल मैदानमा ‘१९औं गोदावरी फूलको प्रतियोगितात्मक प्रदर्शनी २०८३’ सुरु भएको छ ।
फ्लोरिकल्चर एसोसिएसन नेपाल (फ्यान) को आयोजनामा सुरु भएको उक्त मेला पाँच दिन अर्थात् १६ कात्तिकसम्म चल्ने छ । पुष्प मेलाको आज दोस्रो दिन हो । आज बिहानैदेखि पानी परे पनि पुष्प मेला हेर्न तथा बिरुवा किन्न सर्वसाधरण पुगिरहेका छन् ।
मेलामा ८६ वटा प्रदर्शनी कक्ष (स्टल) छन् । जसमा व्यावसायिक स्टल ७८, प्रतियोगितात्मक स्टल २, अफिसियल स्टल ४, प्लान्ट क्लिनिक १ र फोटो सेल्फी स्टल १ छन् ।
मेलामा यस वर्ष भित्रिएका नयाँ प्रजातिका गोदावरी सहित ४ सय ५० भन्दा बढी प्रकारका फूल बिरुवा, सयपत्री, मखमली, अन्य सिजनल फूल तथा आलंकारिक बोटबिरुवा प्रदर्शन तथा बिक्री वितरण हुने आयोजकले जनाएको छ ।
प्रदर्शनीलाई ३९ हजारभन्दा बढीले प्रत्यक्ष अवलोकन गर्ने र मेला अवधिभरि १ करोड ३० लाख रुपैयाँभन्दा बढीको व्यावसायिक कारोबार हुने आयोजकको अपेक्षा छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4