२२ कात्तिक, काठमाडौं । नेपाली कांग्रेसका सहमहामन्त्री अजयबाबु शिवाकोटीले आफूलाई नेपाल प्रहरीको साइबर ब्युरोले बोलाएकाले उपस्थित हुन लागेको बताएका छन् ।
उनका अनुसार ब्युरोले आइतबार बिहान साढे ११ बजे फोन गरेर दिउँसो १२ बजे उपस्थित हुन भनेको थियो । शिवाकोटी भने दिउँसो १ बजेतिर ब्युरो पुग्ने तयारीमा छन् ।
‘ब्युरोले बोलाएकै समयमा पुग्न नसके पनि एक बजेतिर पुग्छु,’ उनले अनलाइनखबरसँग भने ।
यसअघि पनि साइबर ब्युरोले आफूलाई बोलाएको खबर पाएको तर त्यतिबेला भारतमा रहेकाले उपस्थित हुन नसकेको उनले बताए ।
यसपटक चाडपर्वको बिदाका बेला ब्युरोले बोलाएको भन्दै शिवाकोटीले सामाजिक सञ्जालमार्फत असन्तुष्टि जनाएका छन् ।
उनले फेसबुकमा लेखेका छन्, ‘चाडपर्वको बिदाको बेलामा समेत प्रहरीको ताकेता आएपछि एक घण्टापछि साइबर ब्युरोमा पुग्दैछु । आजका सबै भेटघाट सम्भव भएसम्म साइबर ब्युरोमै गर्दैछु ।’
पत्रकार रोशन खड्काले सामाजिक सञ्जालमा आफूले लेखेको विषयलाई लिएर उजुरी दिएको र त्यसैका आधारमा ब्युरोले बोलाएको जानकारी पाएको शिवाकोटीको भनाइ छ ।
उजुरीको विषय र ब्युरोले बोलाउनुको कारणबारे विस्तृत विवरण खुलाएका छैनन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4