News Summary
Generated by OK AI. Editorially reviewed.- तिहारअघि नेप्से २६५५ अंकमा बन्द भएको छ र विगत एक महिनामा सूचक २.९८ प्रतिशत बढेको छ।
- विगत एक महिनामा मूल्य धेरै बढेका १० कम्पनीमध्ये ८ वटा जलविद्युत् समूहका छन्, एक माइक्रोलाइफ इन्स्योरेन्स र एक वाणिज्य बैंक छन्।
- घलेम्दी हाइड्रोपावरको मूल्य १५.९४ प्रतिशत बढेको छ भने कुथेली बुखरी स्मल हाइड्रोपावरको मूल्य ११.७३ प्रतिशत बढेको छ।
२२ कात्तिक, काठमाडौं । तिहारअघि सेयर बजार परिसूचक नेप्से २६५५ अंकमा बन्द भयो । विगत एक महिनामा बजार परिसूचक नेप्से २.९८ प्रतिशत बढ्यो ।
समग्रमा नेप्से थोरै बढे पनि कुनै कम्पनीको सेयर मूल्य एक महिनामै १५.९४ प्रतिशतसम्म बढेको छ । विगत एक महिनामा मूल्य धेरै बढ्नेमा ८ वटा हाइड्रोपावर समूहका कम्पनी मात्रै छन् । एउटा माइक्रोलाइफ इन्स्योरेन्स र एउटा मात्रै वाणिज्य बैंक परेको छ ।
खासगरी जलविद्युत् कम्पनीहरूको पहिलो त्रैमासिक वित्तीय विवरण राम्रो आउने अपेक्षा लगानीकर्ताको छ । कात्तिक मसान्तभित्र यी कम्पनीले आफ्नो पहिलो त्रैमासिक वित्तीय विवरण सार्वजनिक गर्दछन् ।
बैंकहरूको ब्याजदर घटिरहेको र न्यून विन्दुमा आएका कारण जलविद्युत् कम्पनीहरूको ब्याज (वित्तीय) खर्च कम हुन गई नाफामा सिधा प्रभाव पार्नेछ । यहीं कारण आयोजनाको निर्माण सम्पन्न भई व्यवसायिक आम्दानी गरिरहेका जलविद्युत् कम्पनीको मूल्यमा प्रभाव देखिएको छ ।
विगत एक महिनामा मूल्य धेरै बढेका १० कम्पनीको वृद्धिदर ११.७३ प्रतिशतदेखि १५.९४ प्रतिशतसम्म रह्यो । घलेम्दी हाइड्रोपावरको मूल्य सबैभन्दा धेरै १५.९४ प्रतिशत बढेको छ । सबैभन्दा न्यून चुक्ता पूँजी रहेको जलविद्युत् कम्पनी कुथेली बुखरी स्मल हाइड्रोपावरको मूल्य एक महिनामा ११.७३ प्रतिशत बढेको छ ।
तिहारअघिको एक महिनामा मूल्य धेरै बढेका १० कम्पनी
| कम्पनी | मूल्य असोज २० | मूल्य कात्तिक २० | वृद्धिदर |
| घलेम्दी हाइड्रोपावर | २७८.६० | ३२३ | १५.९४ |
| मन्दाकिनी हाइड्रोपावर | ४४४.४० | ५१० | १४.७६ |
| स्वेतगंगा हाइड्रोपावर | २९० | ३३२ | १४.४८ |
| रिभर फल्स पावर | ३२८ | ३७५ | १४.३३ |
| ग्रिन भेन्चर्स | ४९४.९० | ५५९ | १२.९५ |
| सानिमा मिडिल तमोर | ५३०.५० | ५९९ | १२.९१ |
| क्रेस्ट माइक्रोलाइफ इन्स्योरेन्स | १०५९ | ११९२ | १२.५६ |
| मकर जितुमाया सुरी हाइड्रोपावर | ४०६ | ४५४.५० | ११.९५ |
| एनआईसी एसिया बैंक | ३११ | ३४८ | ११.९० |
| कुथेली बुखरी स्मल हाइड्रोपावर | ८१० | ९०५ | ११.७३ |
स्रोत- नेप्से
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4