कांग्रेसको तेह्रथुम सभापतिमा पौडेल पक्षका तुम्बाहाङ्फे विजयी

८ मंसिर, काठमाडौं । नेपाली कांग्रेसको तेह्रथुम जिल्ला सभापतिमा अर्जुनबहादुर तुम्बाहाङ्फे विजयी भएका छन् ।

वरिष्ठ नेता रामचन्द्र पौडेल समूहका तुम्बाहाङ्फेले संस्थापन समूहका उम्मेदवार कमल ढुंगानालाई पराजित गरेका हुन् ।

तुम्बाहाङ्फेले ४५० मत पाए भने पराजित सभापतिका उम्मेदवार ढुंगानाले २३६ मत पाएको निर्वाचन समितिले जनाएको छ ।

त्यस्तै दुई उपसभापति पदमा मचिन्द्र सुब्बा र शिवप्रसाद भट्टराई विजयी भएका छन् । सुब्बाले ४७२ र भट्टराईले ३५९ मत पाएका छन् ।

यस्तै सचिवमा वीपीन निङ्लेखु र डिल्लीराम नेपाल निर्वाचित भएका छन् भने सहसचिवमा डम्बरबहादुर भट्टराई र विश्वप्रकाश तुम्बाहाङ्फे निर्वाचित भएका छन् ।
यसअघि तेह्रथुममा कांग्रेस सभापति गोविन्द ढुंगाना थिए ।