२०७८ फागुन १ गते १७:२६ 
१ फागुन, काठमाडौं । नेपालको पहिलो फ्रेन्चाइज फुटबल प्रतियोगिता नेपाल सुपर लिग (एनएसएल) को दोस्रो संस्करणमा तीन नयाँ टोली थप्दै १० टिम पुर्याएको हो ।
आयोजक नेपाल स्पोर्टस एण्ड इभेन्ट म्यानेजमेन्ट (एनएसइएम)ले अक्सनबाट तीन टिम छनोट गरिएको जनाएको छ । आयोजकले आइतबार विज्ञप्ति जारी गर्दै झापा एफसी, स्पोर्टिङ इलाम डे मेची र वीरगञ्ज युनाइटेड एफसीलाई छनोट गरिएको जानकारी दिएको हो ।
पहिलो संस्करणमा ७ टोलीले प्रतिस्पर्धा गरेका थिए । पहिलो संस्करणको उपाधि विकेश कुथुको कप्तानीमा रहेको काठमाडौं रेजर्सले जितेको थियो । दोस्रो संस्करणका खेलहरू पोखरा र काठमाडौं गरी दुई शहरमा हुनेछन् ।
प्रतिक्रिया 4