सामाजिक कथावस्तुको सिरिज ‘हामी जे देख्छौं’ मंगलबारदेखि प्रसारण हुने

काठमाडौं । सामाजिक कथावस्तुमा आधारित टेलिसिरिज ‘हामी जे देख्छौं’ आगामी मंगलबारबाट हिमालय टिभीमा प्रसारण हुने भएको छ ।

६ वटा एपिसोडमा प्रसारण हुने सिरिजमा मदिरा, लागुऔषध, यौन हिंसाले समाजमा पार्ने प्रभावलाई चित्रण गर्ने कोसिस गरिएको छ । कथानक शैली र विज्ञका भनाइलाई राखेर निर्माण गरिएको सिरिजमा अर्पण ढुंगानाको कथा तथा निर्देशन रहेको छ ।

त्रिलोचन एडभरटाइजिङको प्रस्तुति रहेको कार्यक्रम हरेक मंगलबार बेलुकी ९ बजेदेखि साढे ९ बजेसम्म प्रसारण हुने जनाइएको छ । अनुशासित र मर्यादित समाज निर्माणमा मद्दत पुर्‍याउनु कार्यक्रमको उद्देश्य रहेको निर्माताले जनाएका छन् ।