९ पुस, काठमाडौं । कैलास हेलिकप्टर सर्भिसको एक हेलिकप्टर दुई सातादेखि सोलुखुम्बु जिल्लाको स्याङबोचेमा ग्राउण्डेड भएको छ ।
नेपाल नागरिक उड्डयन प्राधिकरण लुक्ला कार्यालयका प्रमुख उमेशकुमार पन्थीका अनुसार सिलिङ उडानमा रहेको कैलासको नाइन एन–एएमटी हेलिकप्टर स्याङबोचे विमानस्थलमा ग्राउण्डेड भएको छ ।
उनका अनुसार इन्जिनमा खराबी आएको र त्यसको पार्टपूर्जा नपाएका कारण सो स्थानमा हेलिकप्टर रोकेर राख्नु परेको जवाफ कम्पनीले दिएको छ । अहिले सगरमाथा क्षेत्रमा पर्यटक सिजन छैन ।
सोहीकारण तुलनात्मक रुपमा यो समयमा यहाँ चहलपहल कम हुने गर्छ । स्याङबोचे विमानस्थलमा अहिले हेलिकप्टरहरुको मात्र उडान हुने गर्छ । खासगरी नाम्चे बजारलाई आवश्यक सामानहरु लैजान यो विमानस्थलको प्रयोग हुने गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4